今早在茶餐厅食早餐时，有一个客人话开心到不得了，原来他刚刚卖出了自住单位，只是蚀了10几个％，而同期中原指数下跌了28 ％，今次真系输少当赢，饮得杯落。

我问客人有冇将卖楼收返嚟的钱买股票，佢话卖楼的钱仍未回笼，所以没有买股票，我话咁都值得开心，条友可能唔知道，三个月后佢就会好似十日前卖了股票的人，在短短十日损失10几个％，真系喊都无谓，而事实上近日的住宅成交，大多数只是蚀10几20个％，很少超过30%， 有部份甚至打和，理论上唔应该跌咁多，所以，在未来几个月，中原指数可机会作出反弹，三个月之后，今日卖了楼的人好似上星期卖了股票的人，无端端唔见咗10几个％，但股票可以买得返，住宅单位唔系咁易买得返，到了租约期满，就会发觉当日是否心理失调，点解会将自住单位卖走，仲要蚀10几个％咁多，不过都唔好想咁多，的起心肝去搵楼租，业主九成唔会续租。