天后作为中产小区，区内消费力强。天后APPLE SOLO喺区内一个购物嘅好地方，无论潮流服饰店、扮靓美容修甲店、专营售卖巴士玩具、古董集邮，日式杂货精品，以及专营砌模型交流店，通通都有。每间店主都非常重视自己嘅专业，同客户亲切交流，贴心服务，储落唔少回头客。

「巨匠皮艺」(JAIRUS.G)系一间时装皮革店，负责人Gloria表示，自己从事皮革行业好多年，主力售卖皮革服饰及手袋。喺APPLE SOLO开业，就系睇准区内嘅消费力，客源主要系讲求品质嘅街坊。Gloria用一双巧手为客户度身订做皮革产品，甚至将产品外销到澳洲、意大利。直言能够掌握客户的品味，制作独特又高质嘅产品，凭呢份人情味，足以令已移居海外嘅客户都返嚟同佢订制产品。

实体店能够接触客户之余，Gloria亦开始将业务拓展至线上，促销耐用又时尚嘅皮革产品，让客户在任何时候，都可以享受购物乐趣。

另一间看似平平无奇嘅模型小店，店内其实放咗过百件大大少少、唔同种类嘅模型，无论高达、乐高及中古玩具通通都有，有啲模型仲系VINTAGE款式。店主阿明自小已锺情砌军事模型，咁多年来储埋唔少模型宝贝，由於数量实在太多，以前一直摆喺迷你仓内，直至近年才开实体铺放晒喺橱窗。

阿明觉得苹果商场管理完善，环境舒适，所以决定喺度开业。当大家以为店铺好细，只容纳一枱两櫈，呢度反而系店主不分昼夜疯狂砌模型嘅「工作间」，亦是一班志趣相投师兄弟交流切磋嘅聚脚点。另外，APPLE SOLO交通非常方便，亦系网客交收好地方，呢个优势就是区外客人愿意嚟到寻宝嘅原因。店主话，唔好睇小依区客户嘅消费力，有时都会出现意想唔到嘅账单收获，仲可以喺呢度搵到无价嘅「心头好」。

场内仲有一间巴士迷不可错过嘅「巴士博物馆」MSD，店内有唔同年代、款式及型号的迷你巴士，就好似置身「博物馆」。老板Jacky觉得商场租金实惠，可以有效控制创业成本，因而落户天后。而且场内店铺面积组合弹性，由初时30尺小店扩充到依加百几尺，仲租多个铺位储存货品。

Jacky话除咗有典型「铁粉」巴士迷外，仲有街坊同埋居住区内酒店嘅游客。曾经有一位客户以大手笔，一次过买咗几十架巴士，离开时仲用个大箱PACK 走，满载而归。

整个商场设计简约雅致，宽阔嘅购物通道，仲有个舒适嘅共享空间，有齐梳化同枱，一於叹杯咖啡休息一下，义足电再血拼。

天后APPLE SOLO资料