由於我是一个睇楼市比较乐观的人，而事实上又唔到我唔乐观，如果我睇楼市太淡，就会有人质疑我点解只是唱淡，而自己又唔卖楼，下一句就是口是心非。

最近报章不时刊登5年前买入，现在蚀让10几个％的成交个案，其实亦有赚钱的交易，不过报章并没有刊登出来，引致不少人认为楼市大跌，甚至会有一些人话信错我，在五年前买了楼，现在唔见咗10几个％，这个情况时不时都有出现，如果楼价上升，我很少听到有人多谢我，而事实上我只是做分析，又冇叫他们买楼，而有冇买亦冇人知道，所以很难以常理作出反击。

我唯有同那些人讲，叫他们买楼即是救了他们，否则，就算唔买股票都会买债券，到今日得返一半已经算好，随时可以清零，一定会有人回应人话，如果唔买楼，啲钱会做定存，即使利息0.1 ％都唔紧要，那些人可能唔知道，如果佢唔买楼都要租楼住，五年租金都有10几个％，唔输得几多，但一个肯接受0.1 ％定存的人，一定唔会接受其他的投资意见，无论买楼，买股票，买债券都唔会听，又点可以赖我。