姨妈姑姐、表兄弟姊妹一年难得相聚拜年，一齐玩充满神秘感嘅 「Wolvesville」 就最好不过，佢系一个充满骗局同谎言嘅手机线上游戏，一间游戏房有 16 名玩家同时一齐玩。每个游戏都会有唔同嘅组别，例如：村名，狼人等等，各组要为所属组别战斗到底嚟取得胜利。同时你可以使用特别能力嚟揭发人哋嘅角色，以及说服大家嚟同你合作，无论你想好好保护村民或做个狠心嘅狼人，过程都一样瞩目惊心。
任天堂公司嘅 「Mario Kart Tour」《玛利欧赛车巡迥赛》，大人小朋友喺 Switch 或者 Wii 都一定玩过，今次手机版游戏可以登录好友或是附近嘅人一齐玩，最多可让 8 名玩家进行对战，一决高低。通过个人战、团体战、车速、道具栏数量等丰富规则中，享受多人游玩嘅乐趣，仲可以利用各式各样嘅道具嚟个大逆转反败为胜！
「WePlay-线上桌游吧」系现今年轻人锺意玩嘅语音社交桌游App，因为佢可以同其他玩家一边玩一边倾计，App 内拥有几款大热人气社交桌游，包括社交推理游戏「太空狼人杀」、考验默契与画功嘅「你画我猜」、扮演综艺艺员嘅「谁是卧底」、斗快估歌仔嘅「嗨歌抢唱」，以及真相与谎言逻辑推理大作「狼人杀」等等。
「+2」、「+4」、「转色」、「Reverse」，一听就知大家玩紧 UNO!，手机版 UNO! 大家可以线上组队、防疫不出门都可以轻易较量牌艺，UNO! 嘅经典模式、欢乐场或者自行定义场次都刺激万分，锦标赛全新篇章、3D新场景、多人组队模式最啱一家人、朋友聚会即时开台。
| 各区租盘 应有尽有 |
「Bingo Party」游戏气氛喧闹无比，紧张有趣，适合家庭聚会、好友对决等场合，老少皆宜，玩法简单有趣又充满挑战，直线、对角线、四角等 13 种不同致胜方法，加上一系列小游戏，玩 Bingo 从此不再系上一辈嘅老土游戏。
多人游戏唔一定只系互相竞争，「Bounden」《翩翩起舞》就系一个非常好嘅例子，佢系一个双人合作游戏，只需要一部手机就可以玩。玩家用手指压喺手机萤幕上开始实际走动，然后要一直令萤幕上嘅圆圈保持喺萤幕嘅中心位置。非常适合同第一次见面嘅人玩，即刻可以打破沉默嘅气氛，游戏本身都非常有娱乐性。
「动物森友会 口袋露营广场」系任天堂公司近年最佳嘅社交线上游戏，玩家多年来收集自己喜欢嘅家具，设计自己专属嘅露营场。就趁今个农历新年，玩家换件「新衫」邀请同样有玩动物森友会嘅亲戚朋友嚟自己「屋企」拜年，仲可以相约一齐参加钓鱼大会、园艺大会，同庆贺新年兼获得节日用品。
农历新年 Tech实你 拜年 party games
