图中嘅电子猫系嚟自日本嘅Amagami Ham Ham，佢嘅主要功能系透过咬你手指令你开心。佢有好多咬嘅唔同节奏，令你喺被咬时产生更多乐趣。
咬咬猫嘅创作者及Yukai Engineering CEO Shunsuke Aoki话，俾到人有开心时刻就系Amagami Ham Ham嘅创作目的。
小编点评: 养猫人大多俾猫咬过，有时会出血，有时只系轻轻咬吓，猫奴从而知道主子想点，奴才先可以尽心侍奉，主子舒服，奴才就开心，呢点先系猫奴养猫嘅最大乐趣，而唔系被咬嘅触感吧。
都市人工作压力大，有时上司、同事俾好多屎你嘅时候，压力、委屈源源不绝，呢个书枱上之拳击就可以帮你击走哂佢地!
小编点评: 手指拳击，汗都唔出，真系减到压咩?
有时宠物系咁讨拍、讨摸，确实太缠人，有发明家就发明左呢个宠物拍拍器，帮你拍宠物，仲话”never touch your pets again” 添。
小编点评：咁惊摸宠物，咁你点解要养呢?
Amazon 有人问关於呢个产品系咪实用架? 真系有条底裤? 答案系：NO ! 只系新奇玩意，加水之后展开棉团，就会有条湿湿底裤，要等佢乾返先着得。
小编点评: 咁.... 如果唔系加水，加其他颜色液体咪有彩色底裤?!
好多人去厕所都会带埋电话/书入去，睇到入哂神都唔知原来已经坐咗喺马桶好耐，为免大家生痔疮，有发明家就发明左大便计时漏斗，俾你5分钟时间上大，大家觉得有用吗? 会唔会呢个其实系十大最想拥有产品呢?
小编点评: 计住时开大，好大压力喎!
东南亚好流行呢种充气挥手仔，好多餐厅、洗车地方门口都有佢嘅身影，见到佢不停咁向你招手，都俾佢嘅热情带动，会心微笑。而家有迷你版，可以放枱头柜顶，日日都有人同你热切挥手，做野都好有动力啦！
小编点评：可能加埋杀老师个样会仲有趣！
好多人觉得挤暗疮好治疗，网上更有好多影片系影住人挤暗疮，有发明家就睇准商机，将挤暗疮化作硬胶产品，挤出扮系暗疮嘅软胶。
小编点评：毛孔粗大，小编系女仔睇得好唔舒服，好想买收细毛孔产品添!
睇嚟宠物真系好多人嘅烦恼或创作之源，当你想宠物乖乖地唔好搞破坏，可以点做？ 挂住佢咪乾手净脚罗!
小编点评：咁多个大窿，真系挂得住咩......
据讲呢个午睡枕头可以阻挡光线同埋噪音，而且佢嘅物料好透气，唔会影响呼吸添。
小编点评：呢个外型....喺公司用即使阻挡到光线同噪音，但阻唔到同事走埋嚟物理攻击吧！
有无谂过养宠物? 唔想喂、唔想同佢散步? 养石就啱哂你喇! 据讲创作者系喺酒吧听朋友呷养宠物好麻烦而萌生呢个宠物石嘅念头，大家点睇呢?
小编点评：无聊产品第一位，实至名归，圣诞节想送玩人礼物就啱哂！
舒缓身体痛症嘅产品越嚟越盛行，呢个以滚动、震动同埋振频原理，令到身体嘅痛症得到舒缓，有五种唔同疗癒模式。
小编点评：身体痛症真系好唔舒服，虽然好多人话有用，但买之前最好可以试吓系咪有用先买啦。
平时外出或外游，宠物留喺屋企会令主人(奴才)心挂挂，一般都会安装镜头睇住佢地，呢个机唔止可以睇，仲可以透过智能电话投放零食俾佢地；另一个重点功能系相互语音交流，同埋可以传声音及动态提示(motion alerts)
小编点评：有人用呢个机嚟俾兽医帮宠物睇病，科技帮到我地嘅生活去到新境界。
August Wi-Fi Smart Lock 同一般电子锁唔同系，你唔需要按密码，只要你拎住个device 系可以连到蓝芽或NFC，就可以自动开锁，非常方便！
小编点评：对成日唔记得密码嘅人好有用！
Pitcher PureVis 过滤水壶可以喺20秒就净化水质、清除各种污染物、及99.8%大肠杆菌，保障食水安全，更可以喺APP度睇返水质报告。
小编点评: 配合App睇返水质报告非常好，可以监测到每日饮入口嘅水质系点，健康更有保障
Moleskine Smart Writing Set 2.0 有一本Moleskine 实体笔记簿以及一支电子笔，支笔有墨水，亦有电子感应器，会记录咗你嘅动态从而将你写底嘅记录变成电子笔记，佢仲会连结去到iCloud等云端添。
小编点评：非常适合喜欢手写笔记嘅朋友，比起做完笔记影相upload 上cloud 真系方便太多
摺叠式萤幕嘅Gadgets 开始流入用家市场，但系电脑(Laptops)暂时仲喺起步阶段，而台湾ASUS正式制作成功！
小编点评：出去开会见客，除咗型之外，仲好方便做presentation！
Kindle Scribe唔止有一般电子书功能，更可以写! 10.2-inch 背光萤幕，再连接Amazon 电子书库，各位喜欢眉批或喺书上做笔记嘅朋友，呢样产品你好难唔入手!
小编点评：简直打入书虫嘅心!
Samsumg 出咗新款projector，可以做到180 ° 投影角度，仲有自动梯形修正、自动对焦、自动水平调功能，更重要系佢个方便程度，可以用USB电线连外置叉电，用到2小时，好啱户外投影! 而且佢轻便小巧，可以安喺好多地方添。
小编点评：将佢安喺天花盏灯度，射落餐枱就可以自制虚拟桌布，开party 就最啱!
YSL同L'oreal集团Perso移动应用程式携手推出ROUGE SUR MESURE智能唇彩调色机，用家能够随意调配出Velvet Cream Matte Finish嘅专属色调，仲可以混搭出多达千种色调，满足唔同用家嘅喜好，以及唔同场合嘅需要，以后可以自制出最啱自己呢一刻嘅唇色啦！
小编点评: 平时喜欢化妆嘅人都会喜欢自家调色，但系因为系人手调所以调出嚟次次都唔同，而呢支系电子调配，分量次次都一样，可以记低自己独特配方并重覆使用。
Ronin 4D 系一组全方位摄影组合，可以拍摄60 fps嘅6K原片，或120fps嘅4K影片。而且，拍摄时云台非常稳定，因为加入咗第四轴，能有效消除竖直及其他方向嘅抖动，喺跑步、上下楼梯、近距离平移、狭窄空间运镜、车拍等复杂场景下，拍摄到稳定流畅嘅画面。
另外，Ronin 4D 首创手自一体跟焦方案，既能自动跟焦，亦能够手动介入调整焦点位置。传统摄录机喺物体运动较快、主体纹理不清或画面昏暗嘅情况下往往唔能够准确追焦，但系 Ronin 4D 嘅自动跟焦模式，使用LiDAR 测距器，以每秒20次的频率检测物体运动，即使被摄物喺暗光环境或有较大运动模糊时，亦能够驱动云台跟随，保持焦点始终跟随主体。
小编点评：画面流畅度一流，而手动同自动对焦交互使，令到画面可以创作出新奇，又或者好似眼睛咁不停改动焦距，令到睇片嘅人有如亲历其境。
Tech实你 最无聊 最想要 礼物 年尾盘点
