1. 天气温度高
其实手机喺任何情况下都有可能会导致过热，不过系夏天，过热嘅问题就会比较频密发生，因为天气嘅温度再加上手机机器运作而产生嘅温度，所以夏天手机温度嘅上升速度一般会特别快。
2. 密集使用
当我哋经常用手机嘅时候，都有可能会导致手机机身嘅温度上升，尤其是当我哋用於玩游戏（尤其系图形密集型嘅游戏）、影相、拍片、或者长时间开住某啲应用程式，都会令到手机容易产生过热嘅问题。长时间嘅工作或者开启大量应用程式会令手机CUP加重处理负担，从而产生大量热能，当手机过热嘅时候，就意味着手机内嘅处理器需要休息或者工作量已经超载。
3. 充电时
当手机系一个炎热嘅环境中充电，手机都有可能会过热。充电呢个动作本身都系要启动手机嘅电源接驳，本来手机都会有微微嘅升温，但当你系一个炎热嘅环境下充电，就会令手机升温变得快速，从而导致过热。另外，用品质差嘅充电线，或者不兼容嘅充电线充电都会令手机过热，因为每部手机都有特定嘅充电率输出，用呢啲不兼容嘅充电线好容易会造成瓦数超出允许范围而导致手机电量负荷太大。
4. 屏幕亮度最高
当你长时间将屏幕亮度调校去最高水平嘅时候，都会令你手机温度上升。夏天每一日都好天朗气清，去到中午时分太阳晒落电话嗰阵，有时候真系睇唔清任何嘢，我哋好自然会将个光度较到去最高，其实呢个做法系非常之耗电，当手机嘅电能输出得咁快嘅时候，热能亦都会随之而升高，导致手机过热。
1. 影响使用体验
手机嘅温度升高系会影响手机嘅性能，多数CPU需要处理好多嘅数据，同时温度又好高嘅话，速度就会减慢，更可能会用用吓死机，影响使用手机嘅感觉同体验。
2. 电池寿命减短
当手机内部嘅温度升高，电池嘅锂离子会逐渐消失，亦即系正正代表手机电池嘅寿命开始耗损，呢个时候你会发现手机无论系用定唔用嘅情况下，耗电量都会比之前快好多，缩短电池寿命。
3. 爆炸风险
当手机温度去到一个高位嘅时候，手机内部嘅器件可能会烧坏，高温亦都会令电池内锂离子嘅释出，从而产生辐射，虽然辐射出嚟嘅微量元素唔系太多，但长时间接收呢啲辐射都会对人体产生影响，温度越高辐射亦都越大。如果同时一边充电一边用电话，更可能会引起爆炸，虽然而家手机充电可以做到充满后自动切断电源嘅功能，不过为咗安全至上，大家都系唔好一路充电一路用手机啦！
1. 除低电话壳
当你手机已经过热嘅时候，你第一样要做嘅嘢就系帮手机降温，最直接嘅方法就系除低你嘅手机壳，我哋用手机好多时都会喺外面加多个手机壳去保护手机，呢个手机壳会阻碍到手机嘅散热功能，当除低手机壳嘅时候，可以令手机有更多空间去散热。
2. 减少使用手机
其次，可以尝试减少使用手机，如果你喺到玩紧游戏或者用紧某啲程式嘅时候，将程式关闭，等待手机降温后再继续。有好多时一啲程式开咗但自己系唔知道，呢个时候我哋可以试吓将手机暂时校去飞行模式，切断一啲需要上网先至可以运行嘅程式，从而减低手机嘅运作率，亦都可以尝试开启手机嘅省电模式，减低手机CPU嘅负担。
如果试咗省电模式同埋飞行模式都系未能迅速降温，即系代表有一啲未知嘅程式开启咗但系无法关闭，呢个时候可以尝试关机，关机后嘅手机会切断后台一切操作，呢个时候手机就会迅速降温。
3. 避免户外使用手机
因为手机系非常之怕热，喺炎炎夏日最好就避免喺户外使用手机，或者充电嘅时候唔好比阳光直接照射。喺户外使用手机好多时都要将光度调校到去最高，导致耗电量大，手机又容易过热，第二就系因为长时间喺太阳底下用手机，手机好容易会超出本身正常嘅温度，所以用手机嘅时候尽量搵一啲有遮盖嘅地方或者阴影底下，发现手机过热嘅时候就应该暂停使用。
4.使用手机降温神器
i.磁吸式手机降温器
市面上有几个唔同牌子嘅磁吸式手机降温器，例如Momax Play 、小米、黑鲨、Vieruodis等等，功能都系大同小异，主要都系具备磁吸力，可以吸喺手机上（iPhone/Android手机均可），然后启动制冷/吹风功能，从而令手机降温。喺而家呢啲咁热嘅天气，经济条件许可嘅话，买返个神器傍吓身都系一个唔错嘅选择。
ii.手机架遮阳罩
人要担遮，有冇谂过手机都可以担遮，有网站卖紧呢款具备风扇嘅遮阳罩，唔好睇佢个样好似好搞笑咁，其实佢可以挡阳光兼具备降温功能，喺天气热又要用手机拍嘢呢啲紧要关头，分分钟可以大派用场！
Tech实你 手机 过热 中暑
