呢款系本港品牌MEGIVO嘅产品，挂喺颈度使用，主要物料系矽胶。佢嘅特点系可以调节冷热6种温度，夏天同冬天都用到；设有静音模式，电量仲可以连续使用两个钟添！颜色选择有军蓝、银白及粉红３种，可以话男女老幼都啱用。
呢款挂颈风扇有别於一般风扇，佢有致冷晶片同埋颈背冷冻板，有助吸收人体热能快速降温，同时利用风扇吸入外面空气，配合半导体制冷后，再藉由铝块将冷感传俾皮肤，实现降温 ，再将人体产生嘅热能由侧风口排出，令到用家即时觉得冰凉！官方指致冷晶片启动约20秒 ，可达到５度的降温效果；而喺叉电3-4小时后，更可连续使用3小时，如果净系开风扇唔开冷感，更加可以用到8小时，非常适合需要长时间喺户外嘅朋友。
Sony 推出嘅REON POCKET 系穿戴式冷暖调温机，有发热模组同埋散热机制，可以直接为机身接触到的身体部位带来清凉或温暖触感，第三代新增嘅“SMART COOL MODE”功能，可以通过传感技术，自动调节冷却温度以适应用家嘅活动同环境。另外，佢嘅电池续航力亦比上一代提高 2 倍，吸热效能亦提高咗1.5 倍 ！用家仲可以透过智能手机应用程式，设定个人喜好嘅温度添。
呢款系日本品牌 Thanko嘅第5代颈部冷却器，设有左、右冷却板设计，透过帕尔帖（Peltier）半导体制冷，官方指最高可以达到破纪录 -17℃嘅冰冻效果。充电后可无线使用，亦可透过Type-C充电线连接power bank长时间使用。更设有强/弱交替模式避免出现麻痹感、同埋安全扣锁，方便用家。
呢款电风扇睇落好似传统风扇，但原来佢有特别降温功能——喷雾保湿，一边以雾化水珠降温，一边以风扇吹风，网上建议呢类设计可以采用矿泉水嚟雾化，自行加添护肤功能。风扇同喷雾功能可以分开控制，随当时环境需要而转换。风扇设有三段风速，可使用USB充电。
呢款风扇最大特点系除左挂颈之外，仲可以夹喺腰间，令到背脊或心口感到凉快，设有3 段风速。另一特点系可以做LED手电筒嘅照明功能，方便夜间或昏暗环境工作/活动人士。其电池寿命特长，容量为 12000Mah ,可用达24 小时！
呢款蒸发式空气冷却器系采用 Hydro-Chill 技术，吸入热空气，再喷出冷空气制造冷风，另外仲有加湿功能，令到空气变得湿润清凉，设有4段风速供用家调节；内建 LED夜灯，共有 7 种颜色选择。充电后最高可以用到10小时！不过留意返，呢个装置嘅尺寸较大(6.3 x 7.48 x 9.76 英寸)，行走之间带住佢就无咁方便喇。
冷气 Tech实你 风扇 酷热天气 挂颈式
