如果你嘅爸爸有揸车，可以考虑小米呢个充电打气泵，佢系一个尿袋但同时又系电动打气泵，佢设计得非常之细小，只有480克，放入袋拎出街都好方便，就算放喺屋企都唔怕阻地方。呢个电动打气泵仲有五种模式，符合唔同人嘅需要，帮单车碌、足球充气都得。就算无揸车嘅爸爸，都一定会对佢有兴趣。
好多评论都话呢个打气泵好方便，不过就系嘈咗少少同埋电池容量唔大，叉一两只呔就会无晒电，不过对於一啲紧急情况嚟讲，例如:车呔碌到钉漏气，可以紧急充番气然后去补呔，所以送俾爸爸放喺车尾箱以防万一都系个唔错嘅选择！
有一条问题，女人成日都会问：「点解男人咁锺意打机？」原因好简单，因为每个男人心入面都住咗一个男孩，即使佢已经成为人哋爸爸，锺意打机嘅情怀都唔会消失。讲到打机，呢款迷你复古街机游戏机绝对系爸爸们嘅童年回亿，望住佢就好似返返去细个嗰阵同朋友一齐玩街机咁。唔好以为呢部嘢细细部咁只系摆设，佢其实真系一部可以玩嘅迷你游戏机，入面仲有成300款怀旧小游戏，例如射12码、赛车、炸潜艇等等，当爸爸返工辛苦咗一日，放工可以玩吓呢啲小游戏，一定好满足。
如果喺平时买呢个游戏机，一定会被妈妈话嘥钱，所以大家作为仔女喺父亲节送俾爸爸就啱哂喇！仲可以光明正大拎出嚟玩～
男人买嘢嘅思维同女人有啲唔同，好多时都唔系在乎价钱或者实用性，而系在乎嗰样嘢型唔型。好似呢个星球大战蓝牙音响咁，佢嘅外表够Cool够型就不在话下，仲采用1比1还原头像大小制作，角色嘅款式好多，结合雷雕工艺，成个艺术品咁。喺咁正嘅外表之下，其实佢系一个蓝牙音响，配备2.1声道喇叭，有2个3W中高音喇叭同1个15Ｗ重低音喇叭，送俾「星战迷」嘅爸爸，佢可能会感动到喊。
呢个看似唔实用嘅嘢其实对於男人嚟讲有另一层价值，试谂吓每当有朋友嚟你屋企拜访嘅时候，见到呢个星球大战蓝牙音响放喺厅，成件事系几咁震撼几咁有型，作为「父亲」亦都显得特别有面子。
智能手机盛行，老婆系唔明热爱摄影嘅老公点解仲挂部又重又大嘅单反相机去旅行，更加唔明影出嚟一啲都唔Sharp嘅即影即有相机仲有乜作用？不过，男人嘅情怀系好多老婆都唔明㗎。
如果你嘅爸爸都有呢种情怀，不仿考虑买部最新款嘅即影即有相机送俾佢。俾爸爸知道原来仔女系有用心留意爸爸嘅喜好，二嚟俾爸爸亲手为大家留低美好嘅回亿，爸爸会觉得呢啲就系家庭幸福。
Polaroid 宝丽来出嘅新款即影即有相机，佢有5个新嘅镜头滤镜，更有光绘、双重曝光、手动模式等，变得好「Hi-Tech」，可以俾爸爸过吓玩专业相机嘅手瘾，系一个唔错嘅父亲节礼物选择。
有唔少人嘅爸爸都锺意饮茶，饮茶既健康亦养生，锺意饮茶嘅人除咗锺意茶本身嘅味道之外，更加享受嘅系冲泡过程，呢个时候电水壶就非常有用啦。唔好睇呢款鹅颈电水壶只系一个好普通嘅电水壶，佢有一个好过瘾嘅精密出水设计，就系将出水位设计到好似鹅颈咁，当倒水时，水流嘅控制可以达到最佳嘅倒入流量，而且仲可以平衡把手，提供更坚固嘅抓握，等水慢慢倒出，冲水嘅人亦可以一路欣赏水流嘅美感，享受极致嘅冲泡体验。
市面上一个电热水壼都系两三百，唔少精打细算嘅妈妈都唔明点解要买个贵啲嘅水壶，所以好多时爸爸虽然心入面系锺意，但都唔敢买呢啲得意嘅产品，我哋一於趁父亲节送俾爸爸氹佢开心啦！
随住年龄增长，有啲爸爸嘅记性可能会冇以前咁好，佢地会成日唔记得啲嘢放喺边，呢个时候不如试吓用Tile Sticker蓝牙防丢器，佢可以贴喺任何物件上，例如摇控器、相机等一啲成日都会唔记得放喺边嘅物件，佢系防水设计而且超级迷你，如果个物件同佢相同颜色嘅话真系唔太觉佢嘅存在。Tile Sticker用法亦都相当简单，贴上之后只要开启Tile 应用程序就可以连接物件，当你要搵物件嘅时候，可以透过APP控制令佢发出声响，咁就好易搵返物件出嚟啦！Tile Sticker蓝牙防丢器系一样又实用又有趣嘅礼物，爸爸收到一定会觉得好窝心。
唔知你哋爸爸平时喺屋企有冇种植嘅习惯？种植除咗可以解闷，仲可以令人变得开朗，因为当见到你一手一脚打理嘅农作物生得好靓嗰阵，会有好大满足感。The Smart Garden 3智能盆栽就好似一个室内嘅花园咁，可以喺入面种植唔同种类嘅植物、水果同埋蔬菜，佢嘅特点系就算唔太识种植嘅人都好易上手。呢个新科技整合智能 LED 照明系统，以及监测植物生长嘅监测系统，基本上唔洗点理佢都可以成功种到植物。
如果你爸爸系锺意种嘢嘅「农夫爸爸」，用咗呢个产品之后就可以不停享受睇住植物健康成长嘅满足感，假如同时妈妈都锺意种植，咁就更啱喇，佢哋闲时可以两公婆一齐种吓嘢，增进夫妻之间嘅感情。
礼物 Tech实你 科技 父亲节
