疫情关系，喜欢旅行嘅香港人都被困两年多，今年似乎有解禁嘅机会，日本已率先开放俾香港人组团去玩。但都唔系个个都想去日本，而小朋友也想多看看世界，在旅行中学习。其实，近年都兴起咗所谓嘅虚拟旅行团，每位收几百蚊就有导游带大家去旅行，有观光，有讲解，有啲仲可以买埋手信，虽然全部都系喺网上玩，但胜在可以短时间内体验到多个国家嘅风情。
不过，小编都系锺意自由行，自己计划行程，仲可以悭返团费嚟买美食外卖，同屋企嘅小朋友一齐来个虚拟游世界。小编计划的每一个站，都可以如置身其中，360度全景欣赏，有啲仲可以用VR眼镜感受如在眼前嘅立体影象。
睇下大家又想唔想跟住小编嘅行程一齐去啦？
喜欢古代艺术嘅朋友，一生人至少要去一次敦煌石窟睇着名嘅壁画，小朋友亦应该认识一下中国嘅历史同文化。敦煌石窟系指公元4～14世纪在古敦煌郡地区开凿的石窟。去过敦煌石窟嘅朋友都知道，为保护文物，好多着名石窟都唔系经常开放，我哋又唔可以近距离观赏。不过我们只要透过网络就可以参观莫高窟（千佛洞）或榆林窟所有重要嘅洞窟，其中第249窟更唔可以错过，因为可以用最近嘅距离欣赏着名嘅「敦煌飞天」。
呢次敦煌虚拟游，好似睇我哋”House 730”嘅VR楼盘咁，以360度全景参观，仲可以用VR眼镜感受下如亲历其境嘅立体影象。（文末亦会教大家自制VR眼镜呢）
Click入去「敦煌石窟」旅行吧：
游完敦煌，欣赏过佛教嘅高度艺术成就，不如带住小朋友继续寻找佛教历史之旅，飞去缅甸嘅古王国，蒲甘。
蒲甘系蒲甘王朝首都，又被称为缅甸心脏，喺公元9世纪到13世纪，我哋可以由历史遗迹中见到佢曾经嘅繁荣景象，而呢度嘅日出日落特别美丽。蒲甘有过万间有上千年历史嘅佛教寺，今次，我地喺虚拟嘅世界请嚟一次资深嘅导游，等我地可以一边喺虚拟嘅空间游览，一边听历史同文化嘅讲解，小朋友更加可以趁机学英文添。
同导游一齐Click入去游「缅甸蒲甘」：
https://artsexperiments.withgoogle.com/bagan/
无论你去几多次欧洲，都总有一次专诚去巴黎罗浮宫朝拜艺术，如果想小朋友接触最有价值嘅艺术收藏，都必定要带佢哋嚟。
罗浮宫可以讲系世界最知名嘅博物馆，佢原本系皇宫，收藏咗有近40万件艺术品，包括雕塑、绘画、美术工艺以及古代东方、古埃及、古希腊同古罗马等。而着名嘅「蒙娜丽莎」原画就系必看作品。
喺罗浮宫虚拟游，可以随便触摸同微距睇作品嘅细节，唔怕整坏文物。不过，睇完虚拟品，日后都一定要带小朋友睇实体版呀。
Click入「法国巴黎罗浮宫」尽睇最有价值名作：
https://www.louvre.fr/en/online-tours#virtual-tours
第四站：电影迷朝圣地：英国伦敦老皇家海军学院
去英国伦敦唔一定要去睇大笨钟，小编系一个电影迷，我更想带小朋友去英国伦敦老皇家海军学院，因为呢座系英国其中一个最壮观嘅建筑，曾出现喺《四个婚礼和一个葬礼》、《天降杀机》、《雷神：黑暗世界》等多部电影中，可以一边用360度全景去参观里面嘅古典壁画，一边同小朋友讲下电影，系好唔同嘅合家欢时间，而且跟旅行团都未必安排到去睇呢座老皇家海军学院。唔单止咁，学院其实同中国都有渊源，喺晚清时期培养过一啲中国来嘅资深军官同技术人员。
Click入去「英国伦敦老皇家海军学院」来次电影之旅啦：
（photo: casa001-002）
建筑师安东尼·高迪可以话系建筑历史嘅怪人兼奇材，佢所设计嘅作品都好似歪曲变形，似童话世界又似未来出现嘅建筑，好多人去西班牙玩嘅其中主要原因，就系去访寻高迪嘅建筑作品。
其中嘅代表作，当然系巴塞隆拿市中心嘅巴特罗之家。如果想你嘅小朋友认识多啲建筑美学，俾佢哋去睇高迪嘅作品就最好嘞，因为佢设计得好似得意玩具咁，小朋友一定锺意呢种古灵精怪嘅嘢。
巴特罗之家可以话系高迪设计中独具一格且不可复制嘅建筑艺术特色，以及原汁原味嘅现代主义美术与工艺精品。
Click入「巴特罗之家」，同小朋友一齐进入古怪嘅建筑：
https://www.casabatllo.es/en/virtual-tour/
离开欧洲，一家人飞去美国，想小朋友接触香港睇不到嘅美景，而小编又是摄影发烧友，就拣咗去加洲中东部嘅优胜美地国家公园（Yosemite National Park）。
呢个地方已被选定为世界自然遗产，花岗岩峭壁同瀑布都非常壮观，而清澈嘅溪流、巨型红杉林同生物多样性系行山友最爱嘅景点，优胜美地国家公园每年可以吸引四百万游客来嘅其中一个原因，就系经典纯黑白摄影大师Ansel Adams为呢个公园影下多幅传世嘅黑白作品，绝对系摄影发烧友梦想去朝圣嘅地方。
带住专业相机Click入去学大师影靓景：
https://www.virtualyosemite.org/virtual-tour/#node67
如果带住小朋友去旅行，其中一个行程必然系要去睇动物，所以小编都安排咗去全球其中一个规模最大嘅动物园，圣迭戈动物园（San Diego Zoo），佢位於美国加州，里面栖息住800几种、超过4000只动物。而今次嘅网上旅行同其他有啲唔同，佢提供嘅系多个唔同种类动物嘅Live Cam ，等我哋透过摄影机观察各种动物嘅生活，就好以去到现场睇一样，小朋友一定睇得好兴奋。
Click入去「圣迭戈动物园」睇下可爱动物嘅生活直播
https://sdzwildlifeexplorers.org/videos
香港人系好难得去中美洲旅行，今次小编特别安排咗一站去睇美洲最大、最古老嘅主教座堂，就系位於墨西哥城市中心嘅天主教墨西哥城总教区嘅主教座堂。佢喺1813年完成，用咗西班牙巴洛克风格建筑，有两座钟楼、16座小堂，各有华丽祭坛、绘画同雕塑，其中仲拥有两台18世纪巨大管风琴，肯定好多人都未见过，绝对大开眼界。
Click去「墨西哥城主教座堂」感受最古老美洲教堂嘅神圣：
https://www.cyark.org/projects/mexico-city-metropolitan-cathedral/3D-Explorer
香港小朋友应该对南美洲嗰历史所知甚少，但如果同佢哋讲，我哋返香港之前去看一看「天空之城」，佢哋一定欢呼兴奋。不过，小编唔系带佢哋去睇宫崎骏，而系去
秘鲁嘅马丘比丘（Machu Picchu）。呢个山城位於海拔2,430公尺山脊上，望住成个乌鲁班巴河谷美景，好似处身喺天空之城般，亦系世界各地行山友一生人最想去行嘅其中一个地方。
一边同小朋友用Mouse行马丘比丘，一边可以同佢讲下美洲嘅历史，讲下马丘比丘系印加帝国嘅古城，而印加帝国又曾经系南美最大帝国，好多卡通片都有用呢个时期做背景，而点解要喺高山起呢座古城原来都系一个谜，一於叫小朋友运用想象力去估下啦。
Click入去探索神秘嘅天空之城马丘比丘：
作为香港人，要环游世界都一定唔会漏咗去日本嘅，好多小朋友都好锺意车，所以，小编喺最后一个站就安排咗去日本广岛睇万事得博物馆。万事得作为日本最古老嘅车厂之一，有上百年嘅历史，佢嘅车一直影响住汽车发展，所以车迷去睇万事得啱啱重修嘅博物馆，必然满载而归。
我们可以自由自在咁睇到十个主题展区，无论经典作、童年回忆、万事得赛车传奇，其至系车厂未来设计，都一一尽览，行足一日都得啊。
车迷们一齐飞去广岛睇万事得博物馆啦：
https://www2.mazda.com/ja/onlinemazdamuseum/
同小朋友一齐自制VR眼镜
喺今次嘅环游世界旅程，有几个站都可以用VR眼镜去感受近在眼前嘅立体影象，咁就可以趁住特别嘅亲子时间，一齐跟住政府康文署喺YouTube教我哋点样自制VR眼镜，Let’s Go，一齐DIY啦。
https://www.youtube.com/watch?v=0dj6yIk9ylg
VR Tech实你 虚拟导览 旅游 博物馆
