1. Active Arcade

Active Arcade 系一款支援 iPhone 、 iPad 嘅应用程式，喺「健康与健身」分类长排高踞榜首，佢系一款完全免费嘅主题式互动游戏，主题式嘅互动游戏，操作简单好适合细路仔玩，只要企喺萤幕前面，根据指示去做动作就可以得分。里面一共有 19 款运动游戏，一场游戏只需一分钟，仲会纪录消耗嘅卡路里同运动嘅时间，无论系大人想做运动、细路仔想放电都好适合。另外仲有拼字游戏，可以练习一下英文。可惜，目前 Active Arcade 未支援 Android 版本。

2. Plaicise

Android 用户无法下载 Active Arcade ，但可考虑另一款 Plaicise ，佢嘅概念同 Active Arcade 好相似，都系透过 AI 感应嘅主题式互动游戏，一样根据画面指示，完成动作就能达成关卡目标。内建有 10 多种游戏模式，主要区分为全身有氧运动、上半身同下半身三个分类，每个分类又有多种唔同嘅玩法可以选择，练习模式有单人模式，亦都可以同时同屋企人、朋友一齐线上运动，增添游戏体验。

3. Jumpr-Virtual Jump Rope

呢款由台湾团队开发、结合虚拟跳绳嘅 Jumpr-Virtual Jump Rope ，App 唔需要任何装备，只要企喺手机前面，畀前镜头影到自己嘅全身影像，画面里面就会出现一条虚拟绳子，呢个时候幻想攞起条绳就可以开始跳跃，就好似真系跳绳一样。每次运动时，游戏仲会统计埋玩家跳绳嘅次数、速度同燃烧热量，所有嘅运动纪录都会储存低，仲可以趁呢个机会畀仔女抓紧长高黄金期。

3 款运动游戏App比较： (5★为高)

放电运动有几重要：

防疫在家，大家都好困扰，香港寸金尺土，屋企地方较细，能够活动嘅地方有限。家长喺疫情期间，可规划一下仔女作息时间嘅安排，运动可采用定点式，唔使大空间跑动嘅活动，用一啲互动式游戏嚟伸展筋骨，对身体有益之余，亦可以消耗一定体力，对於仔女夜晚睡眠都有帮助。同时，运动消耗热量，小朋友饮食方面都会变得正常，唔会肥，适量嘅筋骨活动对血液循环都有好处。