炒家有穩定樓市作用
日期：2025-03-29
老友叫我幫幫忙，買入一個他擁有的單位，我見到價錢唔貴，質素非常好，可以講是一個荀盤，既然可以幫到老友，於是二話不說買入那個單位，買入之後不到一日，有代理話有買家有興趣那個單位，問如果有10 ％賺，我可不可以割愛，老實說，我交訂的支票仍未過數，有10%都唔錯，很多人唔明白，我剛買入的單位已經在市場一段時間，點解冇人買，直至我買入之後寧願畀錢我賺。
我講很多人不會相信，第一次買樓的人是很膽小，甚至連身邊朋友都很膽小，如果那人直接同業主買入，就算佢自己唔驚，身邊的朋友都會話樓價仲有跌，話唔定要撻訂收場，但如果從炒家買入，他們便有信心，認為炒家都畀到價錢，現在只是畀10%炒家賺，作為買保險都抵，身邊的朋友都唔敢多講，唔通他們叻過炒家。
如果樓市沒有炒家，想唔跌都難，政府亦知道這個道理，所以才推出辣招，買入要畀BSD，賣出要畀SSD，有賺錢都未必夠交稅，所以，炒家便絕跡樓市，一個只有用家，沒有炒家樓市，很容易會下跌，甚至很難回升，因為用家是不敢在樓市下跌時買樓，換句話說，炒家是有穩定樓市作用，好彩政府撤辣，否則炒家唔會投資樓市，樓價唔知幾時才可以止跌回穩。
