买楼是因为唔想交租俾内地业主

有一个一向唔主张买楼的老友最近匆匆忙忙买了楼，理由是在撤辣之后，业主通知佢已经将他租用的单位卖了俾一个内地人，而且很快成交，以后交租就交俾那个内地业主，老友听完之后立刻去地产代理铺头搵楼，去到之后发觉一件事，就是市场上传说的荀盘根本没有，代理话那些荀盘只是昙花一现 ， 即使在楼市最差的时候很快就没有了，更何况是现在，如果有能力又有需要，就唔好考虑咁多，物业代理当然系咁讲，但一定要考虑自己担能力。

我识得不少内地人在香港有楼收租，他们最喜欢将单位租俾香港人，就算平些少都冇问题，因为香港人除非移民，否则就唔会咁容易搬走，租俾内地人或者其他地方的人又唔同，一句话公司要佢返祖家，就唔会续租，做业主的人知道，如果每一张租约都只是租一，两年，业主收少很多租，本来有钱赚都变咗蚀本，租畀香港人就少了这些顾虑。

以往很少内地人在香港买楼收租，就算唔使畀30 ％都要畀15%印花税，无端端将5至10年租金送咗俾政府，内地人唔会咁蠢，现在政府不但全撤辣，仲表示辣招框架仍在，随时可以重推辣招，即是叫内地人有买趁手，如果内地人买了之后暂时未用得到，最好办法就是将单位出租，老实说，在世界上有不少地区如果将单位租了出去，唔系咁容易收得返，就算对方唔交租都冇符，所以，在外国有不少业主宁愿将物业丢空都唔会租畀人，在香港就没有这个烦恼，租约到期或者唔交租，租客一定要迁出租用的单位，有乜办法在撤辣之后唔系立刻有咁多内地人在香港买楼，唔知道卖了楼的香港人，如果要租楼的话，知道业主是内地人会有乜感想，如果担心以后租楼的业主是内地人，就唔好卖楼，因为机会都很大。