【防蚊方法．壹】转凉屋企都仲系有蚊？即睇边种防蚊方法最有用！
日期：2023-12-21
最近天气转凉，夜晚无开冷气，但又未凉得哂，每晚都有一两只衰蚊飞入嚟。
坊间灭蚊产品种类繁多，无论系灯定药水定声波定漩涡气流，好多都附上黐满蚊屍嘅广告图，但全部都系假嘅，而效果好多都好垃圾。
呢D产品之中，由$100一盏cheap cheap紫外灯、到$600一部「智能捕蚊器」，版主都试过。见住只蚊拣我大脾都唔拣佢，心谂又买左件电子垃圾…
直到装咗淘番嘅嘅蚊网后，问题有一定改善，但由於蚊网不通风、又唔系个个窗咁易装，我都继续寻找可以俾我开窗瞓嘅灭蚊灯/灭工具。以下一於分几集分享我的灭蚊心得！
A. 首先要搞清楚：我地要吸引既蚊系雌蚊。因为雌蚊要产卵，所以才会针人吸血。雄蚊系唔针人的。
B. 有研究指出紫外光对雌蚊系真系有吸引力既，当然亦有诸多环境因素影响蚊有几想扑落去。可找期刊参考” Effectiveness of ultraviolet (UV) insect light traps for mosquitoes control in coastal areas of Samut Songkhram province, Thailand”一文。
C. 有人话「紫外光只系吸引虫，唔吸引蚊，呢个系错既。没source的农场文，就算引经据典，都系9成真捞1成假，遮走左关键资讯。不要信。假既。
D. 但你话蚊灯既紫外光吸引D，定系人体既体味吸引D，咁就一定系人体。但咁并唔代表蚊灯唔能够发挥作用
E. 有人话蚊灯唔系训觉用，系训觉前用。咁就唔驶同人体斗。但咁讲有三个问题：第一，训觉前天未黑，蚊灯在唔够黑既环境作用打折，第二，你训觉时想开窗既话，都一样要斗，第三，日蚊和夜蚊系唔同习性的，而夜蚊未入黑系完全唔受紫光吸引的。
如果大家对於装修上仲有咩知识想知嘅话，欢迎随时投稿比我哋！
作者简介
原文网址：https://hkdecoman.com/article/56942
本文章内容及图片均由本专栏作者装修佬提供。
装修佬网站於2015年11月上线， 致力为传统装修业界带来变革，引领行业发展，令香港没有麻烦/烂尾的装修！根据第三方平台数据统计，装修佬网站自上线到目前一直为全港人流量第一的装修平台。装修专栏每周为你提供最新装修资讯，涵盖装修新闻、趣事，DIY技巧，工具及家品推介等内容；装修电视提供多元化装修/家居影片及媒体资讯，每周为您放送实用资讯。
装修佬Facebook：https://www.facebook.com/hkdecoman
| 各区最新放盘应有尽有 |
