千祈唔好同卖了楼的人争拗楼市升跌

有老友问我点解只在报纸杂志发表评论楼市文章，在私人场合反而很少讨论，甚至避而不谈，老友可能唔明白，睇楼市升跌是很主观，买楼或者卖楼之后，与之前睇法截然不同，尤其是卖了楼，一定会话楼价下跌，否则就唔会连自住单位都卖走，这个理由就算唔认同都唔敢反驳。

我见过有不少人同卖了楼的人争拗，那些人当然是睇好楼市，但最后都会是失败收场，因为卖了楼的业主会叫对方，如果咁睇好楼市，点解唔买楼，换句话说，他们基本上口是心非，根本睇唔好楼市，不敢身体力行，唔似得他们，睇唔好楼市就连自住单位都卖走。

反之一个刚刚买了楼的人对楼市亦不太肯定，我亦认为千祈唔好同那些人讲楼市会下跌，因为有不少刚刚买了楼的业主心灵是很脆弱，定力又唔够，吓得两吓，恐怕那些业主会挞定，如果楼市唔跌，就无端端做了衰人，最后，做人处世，可以圆滑一点，对着卖了楼的人讲楼市下跌，对着买了楼就话上升，就包保万无一失，皆大欢喜。