一般市面上有卖嘅保暖衫主要都系用棉、羊毛、羽绒、纤维等等，呢几种物料各自有唔同嘅特性，好处同坏处。

新科技保暖衣料的例子

I.  保暖兼可以减肥：石墨烯衣料

石墨烯系一种具有蜂窝状结构嘅碳，通常用於制造电池、油漆等物品。佢有很多好处，例如非常轻、高韧性、高传导性、热传导性能好等等，所以佢喺运动同医疗用品上都有好多用途，最近亦广泛运用喺纺织品。

 

a.    石墨烯如何保暖？

因为石墨烯嘅热传导性能非常好，佢可以吸收能量产生共振，因为人体嘅温度大概喺36℃左右，佢吸收咗人体产生嘅能量之后就会释放出特定频率嘅远红外线，从而达到瞬间保暖嘅效果，佢仲可以同人体嘅分子产生共振，增加体内循环，保暖得嚟仲可以减肥！

 

b.    石墨烯安全吗？

我哋对石墨烯嘅担忧系呢个物质会唔会产生过敏反应？有学者提出因为石墨烯好轻，佢嘅颗粒比较细，如果佢有害或者致敏就会有好大问题。不过已经有专家澄清石墨烯系一种低过敏性嘅物质，即系话大家都唔需要太担心会造成皮肤敏感等嘅过敏反应。

Ⅱ.   开盖透气关盖暖：智能衣（尼龙加银）

美国有教授研发嘅呢件识「开盖关盖」嘅衫，呢到所指嘅盖系喺尼龙上加一层薄薄的银，然后再喺加工咗嘅尼龙布料上剪出一格格类似口袋嘅「盖」，作用系提高透气度，当有汗水嘅时候就会膨胀打开，乾嘅时候就会合上。尼龙上嘅银可以反射身体嘅热量，关「盖」嘅时候就可以达到保暖功能。

Ⅲ.  舒服过半绒：异型断面聚丙烯腈纤维（PAN纤维）

异型断面聚丙烯腈纤维（PAN纤维）系较为环保嘅乾法纺工艺，因为喺制作过程当中，溶剂(DMF)会被热气从溶液中分离，经过蒸馏回收之后可以重新使用。异型断面聚丙烯腈纤维（PAN纤维），具有特殊嘅双T狗骨型截面凹槽，呢个设计可以保留更多静止嘅温暖空气，从而达到保暖嘅效果。

呢种织物蓬松度比其他纤维高10%，保暖性比棉高17%，可媲美羊绒。佢造出来嘅保暖衣，柔软修身，冬天可以唔使再穿着臃肿嘅衣物。佢仲有一个优点，就系透气性好，具有独特水分芯吸功能，可以更好咁将湿气排出体外。

Ⅳ.  防风防水够保暖：BLOCKTECH

保暖原理除咗留住自己嘅体温之外，挡风都系其中一个关键，好似Uniqlo嘅防风雨BLOCKTECH外套就运用咗BLOCKTECH材质，呢种材质嘅特性系可以喺外套外层形成一层防水薄膜，从而达到防水防风嘅功效，减低身体失温嘅机会。不过单靠BOCKTECH材质嘅保暖效果一般，建议配搭穿着其他保暖衫。

Ⅴ.  99%系空气：航天材料

气凝胶系一种有超强保暖性嘅物质，佢最初系喺1931年由美国国家宇航局研发，主要成分为二氧化矽嘅固态凝胶，其中99%系空气。佢特别之处系保留羽绒嘅保暖程度，又唔会显得个人好臃肿，甚至可以用嚟做裤，舒服又唔易变形。

因为气凝胶内部充满空气，空隙大细都系纳米级别，所以空气好难穿透，从而产生好强嘅隔温能力，用佢嚟做衫可以好好咁将体温锁住。

Ⅵ.  插电变暖：usb充电加热衣服

冬天嘅时候你哋一定有谂过如果个暖炉可以随身携带就好，呢件usb充电加热衣服就可以满足你呢个心愿，佢嘅原理系通过碳纤维丝发热，只要连上充电器充电，就好似全身装上暖炉咁识发热。碳纤维丝外包咗绝缘体，所以唔会有触电或者烫伤嘅情况，仲可以用水洗添！而家科技进化真系令人大开眼界！