手机支付最紧要唔好做呢啲：

QR Code唔好乱咁扫

 

当今时代，QR Code可以讲已经彻底改变咗我哋嘅生活方式，我哋日日都要扫几次。

QR Code已经满布各处，我哋都习惯咗见Code就扫，连安心出行都系扫QR Code 。但大家有无谂过，如果有不法之徒做个假嘅QR Code出嚟，你一扫就入侵咗你嘅手机，不但可以攞到你嘅个人资料，甚至植入木马程式，偷取你嘅银行账号。

要做一个QR Code几乎无任何成本，所以不法之徒就趁机制造一啲假QR Code，盗取别人嘅资料、金钱，亦可以植入木马程式到手机入面。曾经有不法之徒喺原有嘅QR Code贴上经过佢哋改造嘅OR Code，顾客一扫就中招。所以大家喺遇到需要扫码付款嘅时候，一定要问清楚店铺QR Code先至扫，谨慎付款。如果扫码之后仲系发现跳转嘅页面唔对路，即刻停止操作。

喺众多手机支付模式中，扫QR Code最常用，但亦系最唔安全嘅方法。所以大家扫描QR Code嗰阵一定要仔细辨别、谨慎付款。

唔好随便连接公共Wi-Fi

 

我地连接公共Wi-Fi嗰阵一定要睇清楚Wi-Fi名称系咪正确，以免登入名称相似嘅恶意WiFi。更更更要紧记，尽量唔好用公共Wi-Fi过数，（有啲消费场所收唔到手机讯号，迫住用该店提供嘅Wi-Fi，咁真系要万分小心，小编建议最好使用其他不需上网嘅支付方法）。因为账户信息有机会被窃取，造成钱财损失。支付过程中弹出嘅陌生链接亦唔好随意点开。

真系唔好喺浏览器上购物

 

浏览器上嘅网页链接真假难辨，你浏览嘅可能系商品信息链接，但系用手机付款可能就会跳转到虚假支付网站，一唔小心钱财就被偷嘞，所以最好喺购物APP上购物。不过咁亦唔系100%安全，因为一啲「钓鱼」App会用发红包、免费送等方式吸引你嘅注意，喺你觉得自己占咗大便宜，输入支付账号付款嗰阵就又被盗刷。重要嘅事再提醒一次：请认准正规购物App，尽量避免喺浏览器上购物同付款，特别系透过Facbook连接嘅购物网页。

 

 

唔好使用同一个密码

 

流行嘅手机支付App有好多，比如支付宝、微信同各间网上银行等等。好多人怕记唔到咁多密码，就索性所有App都用同一个支付密码，咁如果有人偷咗你嘅手机或资料，咁就大件事嘞。而且，每个App嘅密码都最好定期更新一次，咁就更加安全。

 

唔好设置免密码支付

 

好多人贪方便，唔想输入密码就快速付款，但而家有好多模拟扫码枪嘅恶意软件，不法分子会喺你出示付款QR Code嘅时候伺机偷，所以大家都系唔好设置免密码支付。

用NFC支付又安唔安全？

 

近年出嘅新款手机，都兼容咗NFC（Near-field communication）近距离无限通讯技术，用手机 NFC 付款确系比用扫QR Code安全，因为要好近距离先用到，而且需要双重验证，有人认为佢比用信用卡更安全，较不容易被盗刷。破解 NFC 技术并非不可能，但需要好高嘅技术，同好复杂嘅操作，唔系一般人能够做到。

 

不过，我哋用手机NFC付款嗰阵，都要做下小编介绍嘅防范措施。

•   NFC只能近距离运作，而且手机必须接受连线先可以运作。有心人士想要近距离盗用手机上的NFC电子支付，难度非常高。若仍担心装置上的NFC被恶意读取，可使用防NFC侧录的钱包或背包保护手机同有NFC嘅信用卡。

•   经常更新手机IOS作业系统，以避免系统漏洞造成交易风险。

•   唔用NFC功能时就关咗佢，并开启萤幕锁定。因为手机必须开启或解锁时先用到NFC，咁就唔惊被人盗用。