点解科技巨头投放咁多budget落AI机械人?

 

世界卫生组织推算去到2050年，全球人口中有22%系60岁以上人士，Elon Musk 更喺twitter 度话: “Population collapse due to low birth rates is a much bigger risk to civilization than global warming.”(意译: 低生育率令人类文明崩解嘅危机大於全球暖化)高瞻远瞩嘅人都好在意人口老化问题，因而研发替代低技术、沉闷或厌恶性工作嘅机械人。

丰田：主打家务机械人、陪伴机械人

丰田产业研究所（Toyota Research Institute，TRI）向来喺机械人产业都占一重要席地，最新展示嘅家务机械人巴士男孩（Busboy），比普通机械人技能要多，除咗一般家务（抹枱、擦地），更可以辨识到透明、反射嘅物体表面，同埋自拍添。

 

突破进展：处理到透明同反光物件

 

TRI指出，人类可轻易辨别何为实际物体及反射物体，但系大部分机械人程式只识得对面前嘅物体直接反应，无法分辨实际或反射物体，对玻璃枱、透明杯等物品感到困惑而被愚弄。

因此，丰田产业研究所机械人专家就专注训练机械人，感测几何形状、物体同埋表面。专家以3D方式实时睇住机器人睇紧咩，再教导机器人执行各种任务（例如抓取物品、开闩门等），并注释呢个行为，将场景嘅各个部分同行为串连，例如「雪柜门」系要「握住手柄」再「打开」，通过呢种方式去教机械人做嘢。

「杯子机械人」 识讲笑倾偈记住用家喜好

 

Kirobo Mini体积细小，只有10cm高，佢识睇表情、记低用家喜好、亦可辨别去过嘅地方，仲识因唔同场景俾唔同反应添，例如用家突然刹车，Kirobo就会惊呼「吓死人喇」，非常有趣。

 

(片:https://www.youtube.com/watch?time_continue=6&v=5P2KuRRGhJA&feature=emb_logo)

小米：人型仿生机械人  感知人类45种语义情绪

小米作为中国科技巨头亦不甘后人，今年８月推出机械人CyberOne，初步就功能上嚟睇，CyberOne嘅目标系照顾人类嘅情感需要、以人类语言交流为主，而唔系起居生活上协助人类。

 

小米机械人CyberOne，花名铁大，外型仿照人型身高1.77米，体重52kg（114磅)，脸部采用曲面OLED面板，配备Mi Sense视觉空间系统，据指可重建3D世界嘅真实影像，再经过3D重建演算法分析环境，CyberOne对於8 米内嘅深度资讯做出极准确嘅精度；CyberOne设置两个收音咪，据称可以从人类嘅声音同表情中感知识别出45种语义情绪、分辨出85种环境语义，综合利用听觉、视觉同埋显示模组完成交流。

 

(片: https://twitter.com/leijun/status/1557720705747210242?ref_src=twsrc%5Etfw%7Ctwcamp%5Etweetembed%7Ctwterm%5E1557720705747210242%7Ctwgr%5Ehb_0_10%7Ctwcon%5Es1_&ref_url=https%3A%2F%2Fchinese.engadget.com%2Fxiaomi-cyberone-robot-145723279.html)

 

运动性能方面，步行速度为每小时3.6公里，全身有13个关节、5种关节驱动同埋21个驱动模组，可协调运动21个关节自由度。影片可见，除咗行走，仲可以做到送花、同埋摆pose俾人影相。留意返，铁大造价大约70万港币。

Tesla: 机械人可大量重复或处理危险工作

 

Tesla bot叫做Optimus Subprime，身高五尺八寸、重 125 磅，可举起 150 磅重量，佢嘅工用系执行「消除危险、无聊同埋重复性工作」，以便人类能够更投入在其本身工作。据讲呢款机械人将会率先应用喺Tesla工厂度。

 

 

总结: 丰田完胜?

到目前为止，Tesla bot 未见到，小米机械人仲喺起步阶段，而丰田机械人已经可以做到家务，所以现阶段可以话丰田遥遥领先，但值得留意嘅系，丰田机械人同另外两间公司行嘅路好唔同，佢嘅外型无仿照人体而设计，好似用轮行走、放喺车杯架等，此等设计对未来发展系优势定系挑战呢? 我地拭目以待。