音乐互动墙装置系咩嚟？

呢款音乐嘅互动墙系将多媒体投影技术同乐器结合，再投射到墙身，只要用手轻触墙身嘅乐器图示，就可以发出该乐器嘅声音，用家亦都可以通过墙上嘅动画去改变音乐嘅强度、节奏或者旋律等，系一个非常之真实同埋好玩嘅听觉+视觉+触觉嘅享受。

 

光影音乐演奏器通常有好多种类嘅乐器，当中包括结他、电子鼓、电子琴、小提琴、钢琴等等，而且有啲仲带有动画效果。当你触碰佢嘅时候，佢除咗会发出声音之外，仲会有动画，非常有趣。

 

用家亦都可以同屋企人一齐透过投射影像互动，例如子女负责打鼓，父母负责钢琴，用无限嘅想像力去透过光影音乐夹band！

概念

利用光影进行音乐演奏嘅概念其实同智能互动触控教学差唔多，都系以光影投射方式，外国同香港亦都举行过好多光影投射/墙上音乐嘅展览，等观众对呢个科技有更加深嘅认识，例如外国「Hidden Stories」，目的系让观众探索无生命物体嘅秘密，同埋生活、倾听嘅力量。

 

喺中国，一个时尚购物中心打造咗54000平方米嘅「移动艺术画廊」，利用新媒体技术打造互动音乐墙，将艺术、科技、音乐融为一体，吸引唔少顾客上前互动。

几年前喺香港嘅ELEMENTS圆方亦都有个展览运用墙上演奏音乐嘅元素，设立「幻想曲创作站」，用另一种方式呈现俾小朋友知，音乐唔只一种可能性，除咗好玩，更可以利用体感乐器投影墙进行创作。

如何使用？

1.   首先用家需要配备光影音乐演奏器嘅装置，包括投射器同播放器（喇叭），亦都要准备一道大嘅墙身，墙身最好系净色而且冇嘢遮挡。

2.   开始前用家要先喺墙身贴上特定嘅墙纸。

3.   当一切都准备好就可以接驳电源将画面连接软件，并且投影到墙上。

4.   用家就可以过去用手触换墙上嘅乐器图案，弹奏属於自己嘅音乐。

5.   用家亦都可以通过墙上嘅动画或者配备嘅软件去改变音乐嘅强度、节奏或者旋律等。

优点和限制

优点	限制
令小朋友增加对好奇心同探索性	墙身要有一定程度嘅大细
唔再受乐器种类嘅限制	冇乐器嘅真实感
可以增加同家长嘅互动，促进亲子关系	音乐变化较少
让小朋友认识更多唔同嘅乐器	唔可以取代真实乐器，只供娱乐用途
有助改善小朋友在认知、运动、情感、交际、社交和感官领域的健康	花费比较大，未必乎合经济利益