无人机主打配送：食物、药物

 

一般无人机可以载嘅货物都唔会太重，以Alphabet 旗下嘅初创公司Wing为例， 携带货品载重上限为 1.5 kg。而无人机嘅优点系快，因为可以避开哂地面所有人、车、大楼、树等，Wing话佢地研发嘅无人机可以喺 6 分钟内行 6 英里（约 9.66 公里），将包裹准确送至客户手上。

 

 

Alphabet 子公司 Wing 嘅科创团队源自 Google 秘密实验室「Google X」，当初成立目的就系无人机送货服务，十年磨剑终於喺2019正式投入商业服务，主要喺美国、澳洲同芬兰三个国家运营，其中喺澳洲嘅洛根市（Logan）更取得亮丽成绩——3年总计100,000笔订单中，有超过50,000笔喺洛根市成交。

 

美团无人机外卖：十五分钟内送到

 

美团同Wing 唔同，为无人机制定指定外卖航綫，客人喺指定地点落单后，无人机会带住货物飞到该地点嘅停机坪，货物经自动化运输设备，送到指定智能取餐柜。

(p6-9)

 

美团指出，3 km范围内可喺15分钟内送到，现时已经喺深圳、杭州嘅社区试行无人机物流送餐。

港产无人机科学园试送外卖

美心食品有限公同XDynamics合作，曾喺科学园运送 7 寸薄饼连外盒(负重约300 克)，无人机预定由科学园三期大广场出发，沿河道飞往俗称「金蛋」嘅高锟会议中心，全程长约 200 米，飞行需时约半分钟；但当时因大雨而未能飞足全程，只做到示范短程飞行同埋起降。

对比返3种无人机嘅速度， Wing 无人机比其他无人机更加快、稳、准，究竟点做到嘅呢？

 

1)     滑翔机+直升飞机嘅综合体

Wing无人机嘅机身左右唔单止分别有6个悬停旋翼，仲有机翼同两个巡航旋翼，令无人机可以垂直升降同埋悬停，又可以喺横向飞行时平稳巡航

2)     制作材料：发泡胶

为咗降低无人机意外坠落对人嘅伤害，Wing嘅机身用咗发泡胶包裹，重量好轻，即使跌落都唔会咁易伤到人

3)     以绳索送货
Wing无人机嘅机身下方有个收缩绳索嘅装置，用嚟投放货物，用户唔会接触到无人机，亦避免咗飞机升降可能存在嘅安全隐患

一於去片睇睇：https://youtu.be/VOFxsFhEXoU