1. iTunes免费但冇得拣救边类档案

 

相信用得iPhone嘅读者，都知道可以用iTunes去救番手机铲除咗资料，小编唔详细介绍点用喇。不过呢个方法有三个弊处，第一梗系等候时间太耐。例如小编嘅iPhone 11因为从来冇喺手提电脑做backup，於是iTunes每次备份都要差不多30分钟，讲紧只系20多GB嘅资料，如果你用Pro Max有200几GB数据要备份，唔敢想象要等几耐。第二系冇得拣你要恢复边嘅数据，例如小编测试时，只系删除咗几张相片、一个whatsapp群组入面嘅相片等，但iTunes唔理你，将你手机所有数据复原，於是又要嘥我20几分钟！最后系手机都有麻烦，例如部分apps要更新，apple ID要重新确定、FaceID要再影过相等等，简单嚟讲，用 iTunes虽然免费，但又烦又耐又冇得拣。跟住小编推介三款「救机软件」，令你又快、无痛苦兼可以拣复原边啲资料，不过部分要付费先用到全部功能。

2.FoneDog Toolkit for IOS救到超多类型档案

 

FoneDog Toolkit for iOS有好强大嘅「起死回生」能力，除咗一般嘅相片、短片、SMS、联络人救得番，连通讯软件例如whatsapp、wechat、messenger嘅讯息，或者语音备忘录(即系你用iphone嚟录音、或文字记低重要嘅资讯)一样复原到！佢支援支持iPhone 5以上手机，及所有型号的iPad Pro，iPad Air，iPad mini和最新的iPad12。不过收费都几贵，分三类：一个月、一年或者终身使用，收费由90至111美元。

 

操作方法

 

首先用数据线连接iPhone，然后启动FoneDog Toolkit for iOS程式，佢会俾你拣ios数据恢复、ios系统恢复、ios备份及复原以及新功能:Whatsapp备份及恢复。你想救番删除咗资料就要拣ios数据恢复。

 

程式跟住要你拣要恢复边类档案，例如SMS、相片短片音乐、定系第三方嘅通讯apps，小编建议唔好全选，谂清楚你要救番咩资料先好拣，可以帮你悭返唔少扫描时间。

 

然后FoneDog Toolkit for iOS会扫描你部iPhone，呢度都要20分钟左右，你可以去冲杯咖啡叹吓先！

 

最后你会见到类似windows嘅介面：左边俾你拣类型，右边就系该类型嘅所有档案。你可以睇住预览，要救边张相、边个whatsapp讯息就剔佢，拣好咗揿复原就完成。

 

小编心得

 

小编虽然只系试咗试用版，但都感受到FoneDog Toolkit for iOS比起其他同类软件有更强嘅恢复能力，尤其系可以搵番已删除嘅whatsapp讯息及相片，呢样就唔系每一个救机程式做得到。另外佢操作好简单，手机与电脑连接后，揿扫描等半个钟左右，然后就可以拣复原边啲资料，好适合新手使用。缺点就系佢冇将whatsapp入面嘅相片分番唔同群组，又唔系依时间排序，你要逐张逐张去睇边一张系你想要嘅，如果你whatsapp存咗大量相片，呢度就要好花时间了。另外佢收费都几贵，一个月90蚊美元，即系港纸七百蚊有多。对小编而言，除非删咗嘅资料真系冇咗就世界末日，否则错手铲除咗，就let it go, let it go！

3. Wondershare Dr.Fone胜在操作简单

 

如果你嫌FoneDog Toolkit for IOS太贵，可以考虑呢个叫Wondershare Dr.Fone，俾39.95美元就买到恢复手机资料嘅工具，俾多21.95美元有埋救whatapp嘅程式。如果你舍得俾100美元，就买到全部功能，包括资料复原（恢复删除的连络人、 短信、 照片、 笔记、 语音备忘录、 Safari书签）、手机管理、手机资料传输、WhatsApp/LINE等通讯软体资料备份、解锁萤幕密码、系统修复、手机资料备份、资料安全抹除、iTunes修复等等。Wondershare Dr.Fone操作方法同FoneDog Toolkit for iOS好似，都系先扫描然后拣恢复咩资料，又系新手都识得点用。

 

操作方法

 

首先用数据线连接iPhone，然后启动Wondershare Dr.Fone程式，跟住你会睇到程式主页，有12个功能俾你拣，第一个就系数据恢复。要小心唔好拣最后果三个功能，因为要下载其他程式。

 

数据恢复有四个方法: 从手机、iCloud、iTunes恢复番资料，或者密码管理，我地当然拣第一项，记得手机要先接驳电脑。

 

然后再拣你想恢复手机边啲资料，有好多选择，例如图片、联络人、safari书签、录音、whatsapp附件等，小编建议系你想恢复边样就click果样，千祈唔好贪心一次拣几样，因为小编试过拣图片同埋whatsapps，结果只扫描到图片资料，whatsapp显示系零！小编只好退出然后单剔whatsapp，然后Wondershare Dr.Fone先帮我搵番手机嘅whatsapp资料。

 

小编心得

 

呢只软件收费平过FoneDog Toolkit for IOS，但冇咁好用，例如小编尝试恢复某些whatspp讯息，佢显示唔到成句，只系睇到开头几个字然后全部变晒XX，唔知系唔系要俾咗钱先会睇到全句讯息？另外扫描whatsapp讯息需要一些时间，程式会显示没法显示，鼠标又变咗漏斗，你唔好以为佢hang咗机呀，等一等就会睇得番。要赞系图片预览够大张，俾你睇清楚唔使救错相，而且系顺番时间先后排序，比较容易搵到相。

4. FonePaw Android可以救到sim卡记忆卡资料

 

如果你系用安卓手机，可能要用到sim卡或记忆卡去储存资料，咁误删嘅机会仲大过用iPhone，所以你需要专门设计俾安卓救机用嘅软件，小编推介大家用FonePaw Android。介面、操作方法同FoneDog、Dr.Fone大同小异，都系扫描完俾你拣边啲资料可以恢复，针对支援接入SD卡嘅安卓手机，FonePaw可以扫描你部手机嘅记忆卡，然后恢复丢失资料。如果你唔小心删咗SIM卡储存联络人资料，包括详细姓名、电话号码、电邮地址等，统统都可以复原。另外使用安卓手机，可能需要Root或者刷机，万一失败咗，FonePaw都可以帮手机去番未Root前嘅状态。最后系佢扫描时间快过FoneDog、Dr.Fone，等几分钟就ok，亦都唔需要你之前已经备份过手机资料，完全系即插即用即救。它有三个付款计划，月费237港元、年费321港元、终身只需405港元，仲平过iPhone用嘅救机软件呢。