屋企唔再家「嘈」屋闭 蜗居都放得落嘅发烧音响

极罕有真无线耳机直逼发烧级：

 

 

想一个人静静地享受音乐又唔骚扰到其他人，耳机系不二之选。近年真无线耳机当道，多家专门生产发烧级有线耳机嘅生产商都钻研真无线科技，推出高质素发烧级无线耳机。就以美国嘅 Noble Audio 为例，一直生产逾万港元嘅发烧级多单元有线耳机，首款真无线耳机 Falcon 用家报告已经唔错。

 

厂方再推出另一款全新嘅真无线耳机，型号系 FoKus PRO，喺单元结构上，内置一颗 8.2mm 专属定制嘅动圈单元同两颗 Knowles 动铁单元。前者主要负责以大直径动圈加强低频嘅震撼力，令低音下潜更深，同时提升还原度。而后者就令中高音频嘅细致度、空间感得以增加。除咗喺单元上升级之外，耳机嘅晶片亦升级至 QCC 3040 ，支援蓝牙 5.2 之余，更令续航能力提升，单次充电能提供 7.5 小时嘅连续播放时间，耳机亦支援 Qualcomm TrueWireless Mirroring 功能，能够视乎环境自动切换主副耳机，连接就更稳定，也设有 CVC 米高峰降噪，以提升通话时嘅质素。耳机外壳使用人体工学设计及以 3D 打印出嚟，提升贴耳度，更能阻挡外界噪音同提高佩戴嘅舒适感。总括而言，今次厂方采用动圈及动铁混合单元，成功发挥厂方一贯发烧级音质效果，属於落重本之作！

最潮骨传导耳机 – 小编极致推介

 

讲到最新科技当然系骨传导耳机，未听过唔紧要，小编为你详细介绍，包你一试返唔到转头。着名耳机生产商 AfterShokz、AEROPEX、Bearoam、BoCo、CHEERO、CODEO、KAIHOU 等都有生产骨传导耳机。

 

骨传导耳机原理：

 

骨传导耳机原理简单，系透过共振传递声波，让声音藉由骨骼直接传递到听觉神经，使用时只要将驱动单体贴喺耳朵附近，就能透过骨头共振将声音传到内耳，轻松听到美妙嘅音乐。由於使用时唔需要将耳孔塞住，就算长时间配戴都唔会容易疲劳，跑步或做家事时都可以一边听音乐，一边保持对环境嘅警觉。

舒适度 vs 漏音问题

 

颈挂式系骨传导耳机最常见嘅穿戴方式，大部分都采用具有弹性且柔软嘅材质打造，系最自然同相对舒适嘅配戴方法，但因为需要夹住靠近耳仔前方、靠近太阳穴嘅位置，侧压感会较强，若果戴唔惯，耳边嘅异物感可能会令你觉得唔舒服，甚至出现疼痛嘅状况。由於骨传导耳机唔系完全将耳孔塞住，即存在有漏音嘅问题，喺拥挤嘅交通工具或公大众场所使用，耳机音讯好容易被周遭环境影响，或者无法完整呈现出音乐嘅细节，只建议喺极度安静嘅室内环境中使用。

 

骨传导耳机除咗提高使用耳机时嘅安全性，仲同传统入耳式耳机讲再见，若果你唔执着喺音质表现，确实系非常适合户外使用嘅新选择。骨传导耳机由於系透过实体介质传递音讯，能用更细小嘅音量达到一样清晰嘅聆听效果，相对减少耳朵疲劳，系小编嘅极致推介！

SoundBar 让你享受环回立体声效：

 

香港居住环境寸金尺土，如想添置音响器材睇电影，做到俨如戏院嘅效果，近年好多人都会拣简约设计嘅 SoundBar ，主机长约 101 至 126 厘米不等，够晒悭位，屋企左中右，甚至死角位都轻易听到震撼嘅音响效果，旧年消委会就测试咗市面上 9 款型号嘅 SoundBar ，评测音响质素、处理不同音色同声音频率嘅表现。

 

 

样本中售价最贵嘅 Sennheiser Ambeo Soundbar，整体音响质素最好，不论播放音乐抑或电影时嘅表现都属各样本中最佳，5 分满分总评分有 4.5 分。而售价最便宜嘅 Bose TV Speaker，整体质素平平，「最大声压级」同「频率响应」表现均欠佳，总评分只有 3 分。不过，售价偏高嘅 Sonos Arc 总评分亦只有 3 分，整体质素平平，「频率响应」测试表现逊色，反而售价比起 Sonos Arc 低於接近一半嘅 Panasonic SC-HTB600 ，「频率响应」表现不俗，总评分亦较高，有 3.5 分。

主动式喇叭取代成屋音响：

 

上一代玩音响嘅朋友都必会加购扩音机，声音表现才震撼及有临场感。不过，主动式喇叭 (Active Speaker)内置咗分音、放大电路，只须接驳电源、输入音乐讯号就可以出声。好多录音室嘅监听喇叭、工程用嘅专业喇叭都系主动式喇叭，不过唔好以为 Active Speaker 就系贵同专业嘅代名词，因为大家常见、常用到嘅电脑喇叭、蓝牙喇叭等其实都系「主动式」喇叭。 主动式喇叭其中一个最大嘅优点就系无须连接后级驱动，输入音讯就可以播歌，对於想音响系统简单一啲嘅朋友就最适合，只须「播放器」（例如一部手机）同「喇叭」就已经可以组成完整系统。

 

由於主动式喇叭无须连接扩音机，所以可以悭返唔少摆放器材嘅空间，对於近年相当热门嘅 CAS 系统、或者桌面音响系统嚟讲都相当适合。加上喇叭本身已经有完整嘅驱动电路同配备解码、分音，加上以数码介面输入的话，主动式喇叭嘅声底会较「稳定」，不似被动式喇叭较受线材、扩音机影响。

CNET 最新推荐报告：

 

根据 2022 年 CNET 推荐嘅最佳家庭影院系统，由 Soundbar、立体声扬声器到模拟杜比环绕声系统都有。不过，如果你希望升级电视上嘅声音，Soundbar喺装置简单同价钱方面大获全胜，佢可以选择具有模拟杜比环绕声同 Wi-Fi 流媒体等高级功能，仲有低音炮同后置扬声器添置升级。

 

CNET 最低价推荐 – Roku Streambar

 

售价仅约100美元嘅 Roku Streambar 具有内置 4K 功能嘅多媒体以提供清晰嘅视觉效果，并具有四个扬声器嘅杜比音频系统以提供优质嘅声音。可用蓝牙支持直接从手机或平板电脑流式传输，Alexa 、 Google Assistant 和 HomeKit 支持可实现语音控制，同时可以使用 Roku Wireless 低音炮和 Roku TV 无线扬声器轻松扩展。

 

CNET 最佳高阶 Soundbar 推荐 – Sennheiser Ambeo

 

 

一体式嘅 Soundbar 系现代家庭影音设备嘅新星，佢以单支长条状嘅设计就包括各种发声单元，省却房间各处安放喇叭嘅需要。进入追求全景声嘅时代，Soundbar 功能也要随之进步，Sennheiser 更是推出了应用 AMBEO 全景声技术嘅 AMBEO Soundbar，以简单、一体化嘅产品提供电影院级嘅音效享受。

 

CNET 最超值杜比 Soundbar 推荐 – Vizio M512a

 

 

售价约 500 美元嘅 Vizio M512a 外观精美，由一个主条形音箱、一个 6 英寸低音炮同两个有线后置扬声器组成，可为电影同音乐提供惊人嘅性能。模拟杜比环绕声可能已经存在咗一段时间，但直到 Netflix 和 Disney Plus 等媒体服务加入后，制造商先最终认真对待呢种格式。

世界首款无线座地音响系统：

 

KEF 推出世界首款无线座地音响系统 – LS60 Wireless，不但重现对高雅自然声音嘅执着，同时颠覆传统无线音响系统嘅概念。前卫创新嘅一体式无线音响系统，让流畅无阻、连线多元嘅高保真声音融入各种生活空间，并由知名设计师 Michael Young 打造颠覆视觉嘅外型。

 

 

作为一款新世代随插即用型无线 HiFi 音响系统，LSX II 用途广泛且可靠性强。凭藉 LSX II 搭配全新嘅 W2 无线平台、全面嘅连接方法、KEF Connect 应用程式及广泛嘅串流方式，你可以充分享受一段自由无忧嘅音乐之旅。无论连接电视、桌上电脑、手提电脑、游戏主机或唱盘，丰沛充盈嘅声音都可以能填满房间每个角落。

 

KEF 工程师凭藉知识和经验，为LSX II 采用咗开创性技术来营造高保真音效。LSX II 使用第 11 代 Uni-Q 同轴共点单元，可以令声音喺房间内均匀分布。而先进嘅Music Integrity Engine 技术优化咗Uni-Q 驱动单元，时间性能臻至完美，使声音更清澈、紧凑、精准。双声道音响系统设计令音乐喺空间中无限延伸，形成立体声场。环绕声效好似将扬声器隐没，只剩下如置身现场般嘅聆听体验。