一) 新科技厨具推介：

连大师级厨师都乐用：慢煮棒

 

慢煮棒系今日第一流嘅西厨都会用嚟烹调健康肉扒嘅新型厨具。

慢煮棒嘅整个机身好似网球拍柄咁，用喺纳米式嘅厨房一啲都唔阻地方，更可以恒定低温(约摄氏30-60度）喺真空环境下烹煮食物。佢主要用於烹煮肉类(尤其有足够厚度嘅靓牛扒、羊架等)，亦有人用嚟整糖心蛋，只要将已腌好嘅生肉放入真空袋，慢煮约40-60分钟(视乎肉嘅大细同数量)，打开即可以食。呢种方法煮出嚟嘅肉唔止鲜嫩多汁，仲零油烟添。

而家大部分慢煮棒都可以接驳至手机，或预先设定开机时间，大家可以放工前开定机，返到屋企开埋支酒就食得啦！

一个高科技锅做晒所有嘢：智慧万用锅

飞利浦嘅快速泄压智慧万用锅主打「快速泄压科技」，做到免浸泡、免解冻、免睇火三大功能，不但令到下厨时间大大缩短，更可以一锅做晒大部分烹调工序。免浸泡系指利用智能控温控压装置，将豆类等乾货直接用高温高压软化食材结构，做到唔驶浸就直接煮得；免解冻就系利用5层高导热内锅同埋智能控压控温装置，将食材均匀加热，直接煮食；唔驶睇火系因为28种风味智能程式都系全自动，一闩个盖按掣就可以完全唔驶理。做到哂蒸、煮、炖、卤、煎、烤、炒，非常方便。

气炸锅升级版：空气炸锅

LazySusan 空气炸锅有五种功能，包括气炸、烘烤、烧烤、烘焙、乾燥五合一，佢采用全自动旋转、仲有烤叉及烧烤组等齐全配件，炸物、烤全鸡、蛋糕都全部做到；据讲可以健康减油达80%添！

「一炉永逸」：智能电陶炉 (火锅、烧肉、炒餸、煲汤……)

部分纳米楼厨房只有一个炉头，非常唔方便，想有多个大家可以考虑电陶炉。大家都系无火煮食，电陶炉比电池炉优胜在於不论器皿嘅材质都可加热，其热力仲会均匀咁直接传导去器皿，智能恒温，打破传统气体炉热能向四周扩散嘅缺点，唔会令室内变热。而且大部分嘅电陶炉有安全设计，当烧乾水时会自动切断电源。 如果配返合适食具，烧肉、炒餸、煲汤、打边炉全部做到！

家居种菜不是梦：Harvest with Gourmet Herb Seed Pod Kit

而家通胀咁劲，菜价上升，好多人都想自己种菜，但除住村屋，普通屋企又点种到菜呢？其实，只要识得用新科技，住纳米楼都可以实现食自家菜嘅梦想。AeroGarden™ Harvest with Gourmet Herb Seed Pod Kit，利用20W LED 灯制造合适植物生存嘅环境，只需要加入水及plant food并插电，就可以同时种到6种香料、花或菜，唔驶泥土，仲种到一年左右添，咁就长食长有啦！

二) 强效辟味小秘技：

所有Open Kitchen最忌就系残留煮食气味，好多人又要用空气清新机，又要喷大量清新喷雾，有啲人仲误以为用香熏可以辟味添。

其实，辟味好简单，依照以下嘅小秘技，包你除晒所有厨房味：

 

1) 柠檬

只要将柠檬切开两半，放入水入面开盖煲10分钟，有柠檬香味嘅水蒸气就会清走煮食异味。唔想次次都用柠檬，可考虑其他香料或柑橘类水果。

 

2) 梳打粉或咖啡粉

梳打粉可以话系家居必备嘅好帮手，除咗可以去积，仲可以除臭! 只要放一碗梳打粉或已煮嘅咖啡粉喺厨房一晚，佢就会帮你吸走空间嘅异味。

 

3) 白醋水

只要将白醋加水倒入喷壶就可以自制空气清新剂，喷落去厨具及墙壁等可能有油烟嘅地方。稀释后的白醋水唔止辟味，仲可以杀菌添。

 

4) 清洗锌盘及去水口

呢点睇落好简单，但系好多人都忽视咗。锌盘好多时会积咗万年积，又或者油脂等积住喺去水口，就会产生异味，大家不妨用1:20嘅梳打粉水定期清洁锌盘及去水口啦。