3分钟学识FB/IG Reels 拍短片随时袋走35,000美金

3分钟学识点玩Reels

 

其实有镜头嘅手机就拍到片，点解仲要用Reels呢？因为佢音效加工够方便，操作好简单，保证你3分钟就学识！而家拎起部手机，再开埋Facebook，跟住以下嘅步骤做啦：

 

1. 入咗Facebook后，你会见到左边有「Reels」掣，如果你想睇其他人嘅短片，就要揿下一行嘅「Reels」掣，但同碌Stories唔同，睇Reels系上下滑动而唔系左右。

 

2. 执行Reels后，右边有一列工具，分别系Audio、Length、Speed、Effects、Timer、Green Screen，底部就系录影掣，如果有突发嘢，你想拍咗先然后再加效果，直接揿红色圆点即刻拍到片，预设长度系30秒。

3. 如果你已经谂好点拍，或者想为现成嘅短片加效果，可以拣Audio，喺Facebook音乐库拣歌，或者用手机入面嘅声音档。值得一提系有广东歌㗎，你可以输入歌星名去搜索。

4. 拣好背景音乐就可以拣画面特效，实在太多选择，小编唔全部列出啦，同埋有两种操作方法，一系左右滑动效果图示，或者点击「More Effects」一次过睇到更多特效。另外，同一条片，你可以加唔同特效，或者删除某一个特效然后再加其他特效，唔驶一个特效拍一段片㗎，试到满意先揿save。

5. 如果你唔想人见到个背景，就可以拣Green Screen，程式会识得勾番你个人出嚟，效果就如下图。小编试过，人脸系好易辨识，就算只系相片，都系等几秒就睇到，但如果系动物就要等一段时间，有可能勾唔到出嚟。

6. 做好背景音乐、特效同退地效果后，揿Next加入文字同埋表情图案，或者剪走唔想保留嘅片段。虽然Reels有好多只字体，但同特效唔同，一段片只能够用一款字体，就算你换行都冇用，不过你可以将文字放喺画面任何位置。

7. 其他功能仲有Speed，即系加快或减慢影片速度，用嚟制作快速搜画式或慢动作的画面；Timer就系倒数字计，方便用户用脚架等放置手机时录Reels。

8. 有时你睇人哋嘅Reels，会见到Remix this reel选项，呢个系俾你玩接龙或者比较片段，例如你觉得自己跳舞好似教主咁型，就可以将教主片段放左面，然后右边就拍自己嘅跳舞动作，最后夹埋做一条片。

9. 至於Instagram嘅Reels，玩法同Facebook嘅Reels一样，但佢多咗Layout及Align功能。Layout将镜头画面分成2至6份，换言之同一时间内，最多可以出现6格唔同嘅画面，用番上面教主跳舞做例子，你可以加多几个朋友嘅片段，睇吓边个模仿得似啲。

10. Align将上一个片段嘅物件同下一个片段对齐，方便用家喺同一个位置拍出有趣嘅过场，例如原地跳起但变咗场景、同一个人但件衫唔同咗等等。

以上就系Reels嘅基本操作，系咪好容易呢？基本上用以上功能已经可以轻易而举整到一条片。当然你要有电影级嘅效果、画质、收音等等，Reels就比唔上手机嘅拍片功能，但呢类短片得15秒至一分钟已经可以表达好简单嘅内容，例如今日猫猫嘅睡姿好得意、自己今日60秒内做到100下掌上压之类，都唔使太高画质或者场景效果。

点样用Reels赚钱

Meta推出Facebook版本嘅Reels后，曾经讲过将10亿美元，分俾创作者当做奖金，只要符合条件，就可以每个月拎到最高35,000美元嘅奖金。Meta话分红作用，系试验边类型嘅内容喺Facebook比较受欢迎，除咗美国，分红会喺未来几个月，扩展到其他国家或者地区。呢笔钱美其名系鼓励创作，但明眼人都知，系用嚟挖走抖音嘅玩家。

 创作人另一笔收入就系俾Meta喺条片投放广告，有两种格式：横幅广告以半透明形式出现喺短片嘅底部，静态广告就由创作者决定放喺短片任何位置，将来仲会有全萤幕同沉浸式广告。而根据《TechCrunch》嘅报导，55%广告费俾创作人，45%俾Facebook，未来仲可能随住测试而有所改变。最后一种收入就类似而家Youtube嘅打赏，但名称叫做「Stars」，等粉丝可以直接打赏俾创作人。

Reels同抖音有乜唔同

总结：正所谓「if you can't beat them, join them」，Reels凭住极似抖音嘅抖音，相信可以抢走一部分抖音玩家，如果你都想靠拍片赚吓收入，就要趁而家储定粉丝，等分红计划扩至到香港，你就可以分一杯羹啦。