家长懒人包 复课必备潮物你预备好未？

一）儿童智能手表

智能手表大人细路都常有，同大人版唔同，细路版首要有一大功能，就系GPS定位，可以俾家长随时知道仔女喺边度。早年本港曾有位患自闭症嘅7岁男童走失，佢爸爸就系凭住GPS定位成功搵返个仔。

 

市面上儿童智能手表五花百门，价钱由二百多至四千多蚊都有，笔者建议可以拣选款式、时间显示功能、GPS定位功能之外，都重点睇睇有咩其他功能，包括1) 配合手机apps使用、2) 双向通话、3) 讯息发送4) 叉电后可以用几耐等等，家长可因应仔女嘅需要而拣合适嘅智能手表。

二) 智能儿童学习翻译笔

 

家长做细路仔嘅年代，好多人都必备「快译通」，输入英文生字，会翻译为中文解释，但因为太麻烦通常买完都唔多用。而家呢个新世代嘅翻译产品，已经先进到有「智能儿童学习翻译笔」喇!

 

用家只要将翻译笔嘅笔头扫瞄你想翻译嘅部分，翻译笔就可以即时读出原文，并且喺笔身位置同时显示原文及你想翻译嘅语言。

 

翻译笔市面有好多种，一般可以留意：1) 离线及在线翻译嘅语言种类、数量  2)读字嘅口音系咩口音(例如英文口音系英式定 美式)  3)收音咪测试用家覆读功能 4) 触控屏幕清晰度 等等。希望可以令小朋友爱上学习外语！

三) 无味电子驱蚊手环

 

学校咁耐无对外开放，可能已经大量滋生蚊虫! 家长当然要为小朋友做足防护措施，等佢地喺操场同好耐无见嘅朋友仔玩得尽兴！

 

市面上好多无味电子驱蚊手环，家长留意产地之外，都可以留意唔同功能，包括1) 是否对人体或宠物无害 2) 驱蚊技术(如音波?无味气体?)  3) 覆盖范围 4)建议配带地方 5)可用几耐  6) 驱蚊状态显示 7)可否换芯等等。

 

四) 防疫用品: 智能体温计、迷你随身雾化消毒喷雾机

 

虽说疫情放缓学生先返得学，但系家长都想仔女更加安全，因此都少不免预备定防疫用品，好似智能温度计、迷你随身雾化消毒喷雾机咁。

 

家长可以用智能体温计，喺小朋友返学之前就量定体温，令自己同其他人都安心。可以留意嘅功能系： 1) 免接触/入耳式 2) 年龄选择功能 3) 华氏/摄氏显示 4) 发烧指示功能 5) 自动开关功能等等。

 

而迷你随身雾化消毒喷雾机，就系俾小朋友带返学，可以适度用喺需要消毒嘅地方。不过家长都留意返，小朋友适度接触唔同嘅物件及环境，可以增强佢地自身抵抗力架!

 

迷你随身雾化消毒喷雾机可留意嘅功能系：1) 消毒液/酒精储存量 2)机身重量、大细 3)雾化粒子大细 4)叉电方式 等。