至潮消费券攻略 5,000蚊买到全新苹果手机有突？

1. 认识第二期消费券领取方法

 

介绍产品前，等小编先同大家讲解吓第二期消费券领取方法啦！

政府第二次向合资格市民派消费券，今次金额增多一倍至$10,000，同样系两期发放，亦都系透过电子支付工具使用。第一期系4月7号，第二期预计系年中。一般嚟讲，上一次已成功登记并拎到消费券嘅市民，唔使再登记 (除非你上次用八达通收消费券，但又唔见咗张八达通)。第一期消费券会派番去你旧年用嚟收消费券果个电子支付户口，例如你旧年用八达通，今年第一期都系用返果张八达通，而第二期派消费券，政府就容许市民更换其他电子支付方法，到时睇吓边间多着数再考虑改用边间啦！

 

如果你上次用支付宝香港、Tap & Go「拍住赏」或WeChat Pay HK帐户收消费券，第一期系收到$5,000，有效期至今年10月31日。但如果上一次系用八达通收消费券，今次就比较复杂。首先，第一期消费券发放后，你仍旧要去啪卡领取。

 

咁八达通限额问题点处理？由於八达通卡嘅储值限额为$3,000，你可以先用完$3,000，再领取$1,000，剩低嘅$1,000最早将会系6月16号开始发放，但要系之前个月洗晒八达通入面果$4,000消费券，先可以下一个月16日拍卡领取，而最迟发放日系11月16日，换言之你10月31日前一定要用晒$4,000。

 

有关八达通消费券嘅资料，大家可以参考：

https://voucher.octopus.com.hk/tc/overview/index.html

2. $5,000以下至潮又实用家电推介

 

$5,000话多唔多，但都有好多款唔同家电产品可以选择。苹果上月中推出全新iPhone SE，最平$3,699就买到，呢排都好多网民讲紧值唔值得买，等小编分析一下啦。另外三样小编推介嘅家电，分别系无线吸尘机 Dyson V11 Absolute Extra、粉囊咖啡机 Nespresso F531 Gran Lattissima以及蒸气烤焗水波炉 Toshiba ER-ND300HK，主要系针对番而家防疫、居家抗疫嘅环境，等你同屋企人住得舒服又安心。

  

苹果全新iPhone SE

 

官方名称系全新iPhone SE，但小编为咗大家方便睇，下文就以SE3嚟称呼呢部手机，2020推出果个就叫SE2啦。首先SE3比起SE2有5项改进：微调颜色睇起上嚟更时尚、处理器换上最劲嘅A15、连带影相效果同续航时间都有大幅提升、最后系支援5G。

 

骤眼睇，SE3同上一代都系黑白红三色，但如果拎两部机面对面比较，就会发现SE3的「黑」「白」色系同SE2有少少唔同：前者在日光下会呈现深蓝色，后者喺室内环境，会睇到背壳带少少金，所以SE3虽然沿用上一代外型，但少少颜色改变就令佢多咗时尚气息。而SE3最大卖点系采用A15 Bionic晶片，令SE3影相靓咗、粒电襟用咗，同埋打机更加顺畅。SE3保留咗上一代嘅1200 万画素广角镜头，同埋 5倍数位变焦、光学影像稳定功能、人像模式以及最高支援 4k 录影等功能，并新深度融合、摄影风格自订同埋智慧型HDR4等，得益於A15 Bionic晶片嘅强大运算能力，当用户揿咗快门后，瞬间完成颜色、对比、光阴等处理，打卡真系好方便。不过SE3冇夜间拍摄模式，光学防震唔系感应器移动式，亦都冇两倍光学变焦，所以夜景及遥距系佢既弱点。此外，SE3续航时间比起上一代有可观嘅改进，苹果官网话SE3喺串流睇片同埋播歌时间，长达10以及50小时，分别较SE2多两个钟同埋10个钟。

 

小编觉得，如果作为一部入门或者后备手机，又或者你对细机、Touch ID特别偏爱，SE3嘅性价比系唔差嘅。正如苹果CEO Tim Cook喺发布会所讲，SE3目标客户系锺意细机、未用过iPhone嘅人、同埋及预算较低嘅用户。首先锺意细机，其实都唔多选择，一系iPhone嘅mini系列，一系SE3，但后者平差唔多二千蚊，都唔驶点考虑吧？至於用开Android但想试吓iOS好唔好用，SE3有Home键，方便一揿去返主页，同Android一样咁简单，如果用唔惯，咪当用嚟做后备手机罗，毕竟佢够细部，放入袋都唔阻你好多位。最后，最后，家长想送部手机俾子女，SE3真系不二之选，除咗可以满足到佢地成为「小果迷」之余，最重要系唔会令佢地成日玩手机，因为个芒太细，长时间睇住其实好辛苦。不过，如果你习惯咗大芒手机、钟意影专业级数嘅相片影片、经常手机不离手、爱打机嘅用户，SE3可能就唔太适合你。

 

(建议售价：$3,699 (64GB) / $4,149 (128GB) / $4,999 (256GB))

无线吸尘机 Dyson V11 Absolute Extra

 

呢两年嘅疫情，令大家都特别注重家居清洁，一部「乜都吸到」嘅吸尘机可以令你家居更加乾净，绝对值得投资啊。 Dyson V11 Absolute Extra有三种吸力模式，专为唔同嘅清洁任务而设，例如地毡吸尘、地板上边较大件嘅垃圾（好似饼乾碎）、或者墙角天花顶嘅灰尘等，佢仲会根据清洁任务需要，提供相应嘅电力及使用时间。整合数码摩打每秒可旋转刷条60次，硬尼龙刷毛可深入地毯，清除顽强污垢，防静电碳纤维可捕捉硬地板中嘅微尘。打扫途中，以智能显示即时报告，每秒监测系统表现8,000次，而且喺LCD屏幕上实时报告。打扫后，「一键清空」嘅设计，令用户可以好卫生咁将深入集尘筒嘅灰尘及碎屑排出，双手无需接触污垢。使用后，将机身存放喺挂墙式充电座，可以充电之余更整齐咁存放好，方便随时使用。

 

(建议售价：$4,799)

粉囊咖啡机 Nespresso F531 Gran Lattissima

 

确诊人数虽然开始稍微回落，不过唔少公司仍要求员工WFH，加上部分咖啡店都暂停营业，令起身就要饮咖啡提神嘅咖啡控，每朝起床后都好难提起精神工作，呢个时候， Nespresso F531 Gran Lattissima粉囊咖啡机就可以帮你醒一醒神。佢内置6款鲜奶咖啡食谱，令你即使安坐家中，都可以享受到咖啡店级嘅滋味咖啡。有咗佢，咖啡店嘅滋味，揿一个掣就呈现眼前，无论您想品尝 Cappuccino、Latte、Flat White，甚或只是想为咖啡加啲奶泡，佢都为你轻松实现每个香浓愿望，完美带出每款咖啡的独有芳馥！操作简单容易，而且兼备25秒快速加热功能，内置19巴高压提取系统，能够确保你嘅优质浓缩咖啡体验芳醇如一。

 

另外，Nespresso F531 Gran Lattissim组件都易於清洗，喺每次使用后，以人手清洗快速Cappuccino 系统。方法就系拆开快速Cappuccino 系统，以暖滚水（40° C／104°F）小心清洗奶渍，再用海棉擦去污渍。最后用暖滚水混合温和／轻柔清洁剂，浸泡所有组件最少30分钟，之后再用暖滚水彻底冲洗就可以。

 

(建议售价：$3,788)

蒸气烤焗水波炉 Toshiba ER-ND300HK

 

经过两年几留喺屋企煮饭仔日子，相信你哋既厨艺已经再唔系「吴下阿蒙」喇，气炸锅呢啲入门嘢又点可能满足你呢？一於决心「升呢」，买返部蒸气烤焗水波炉啦。呢部Toshiba ER-ND300HK蒸气烤焗水波炉，具备蒸、焗、炖、烤及烘焙等功能之余，更内置多达51种自动烹调模式，跟食谱准备食材，揿一吓掣就可煮出各种唔同菜式，无论烤、炸、煮、蒸、炆、炖甚至整面包做早餐都难唔到佢。等小编简单讲吓乜系蒸气烤焗水波炉，佢可以将过热水蒸气的热能转移到食物内部，由内而外加热，可以逼出食物多余嘅油脂同盐分，减少对食物细胞嘅破坏同氧化，达至脱油、减盐同保留食物营养素嘅功用，两种交互运用可以令食物快速完成，呢个就解释到点解蒸气烤焗水波炉喺日本咁受欢迎嘅原因。

最后，就连整甜品都难唔到呢部蒸气烤焗水波炉。将6-8人份冰花炖蛋放入炉，全程无需「睇火」，蒸煮模式提供稳定摄氏100度蒸气蒸煮，帮助锁住食材的鲜味之外，更可以提升炖蛋的嫩滑度，几分钟就食到架喇。

(建议售价：$4,998)

总结：

 

四件产品都咁正，但第一期消费券只有$5,000，如果俾小编只拣一样，我嘅心水系Toshiba蒸气烤焗水波炉。虽然佢表面价钱好贵，但佢集气炸锅＋焗炉＋铁锅＋煲於一身，而且又悭到煤气费，小数怕长计，咁精打细算最终一定悭到钱。另外煎、炒、蒸、焗、煮、炸都系揿个掣就搞掂，哪怕你WFH挂住工作，依然可以煮返几味慢慢叹！