噪音BYE BYE 降噪耳机助你享受宁静同音乐
日期：2022-04-03
疫情关系，好多公司都开始安排员工在家工作，对於香港呢个地少人多嘅城市，居住环境挤迫好常见。有网民分享在家工作时屋企人经常发出好大嘅噪音，例如电视声、吸尘声同小孩玩耍嘅声音，令一众打工仔完全无法专心工作。有次开会更加因听唔到上司嘅提示而被闹咗一餐。呢个时候，同样WFH嘅你就需要配备一个降噪耳机了，究竟降噪耳机系点样令环境变得安静？新手又要点拣？
降噪普遍原理
降噪耳机能够自动降噪，主要系利用耳机上嘅麦克风装置嚟接收环境噪音，再让耳机内部嘅晶片产生同噪音相反嘅反向声波，耳机会创造抵销讯号阻挡大部分嘅外部声音来源，从而有降噪效果。主动降噪技术一般喺持续吵杂嘅环境中效果表现最好，例如火车、飞机等发出嘅持续、有频率嘅噪音。降噪耳机应用喺日常生活中十分方便，因为我们可以唔需要刻意提高音量嚟盖过外界嘅噪音，亦能帮助用家喺嘈杂嘅环境下享受宁静同手机内嘅音乐。
耳塞类型
(i) 矽胶耳塞
矽胶耳塞喺高频端嘅隔音效果显着，低频端则要视乎贴合程度而决定。虽然矽胶耳塞能提供一定程度嘅隔音效果，但相对嚟讲隔音效果比较差，不过呢个同耳朵紧密贴合有关。市面上矽胶耳塞除咗单节耳塞外，仲有双节胶耳塞同三节胶耳塞，佢地可以弥补矽胶耳塞嘅隔音问题。双节胶耳塞同三节胶耳塞有更好嘅隔音效果，能听到更丰富嘅低音，不过缺点系可选择嘅尺寸有限，要搵到适合自己耳朵嘅双节胶耳塞同三节胶耳塞唔系咁容易，因为同你嘅耳道深浅有关。
(ii) 海绵耳塞
海绵嘅可塑性非常高，所以能轻易地随住耳朵构造变型，令耳塞更贴合耳道。正因呢个有利条件，海绵耳塞能提供较优质嘅舒适度同隔音度，喺低音频嘅声音表现比矽胶耳塞出色，不过高音频部分因为容易被海绵吸收，所以表现较差。
降噪类型的利弊
降噪类型主要分为(i) 前馈式主动降噪、(ii) 反馈式主动降噪同 (iii) 复合式主动降噪，以下系它们嘅利弊：
降噪耳机推介
(i) Apple AirPods Pro
Apple AirPods Pro是入耳式设计，用单节嘅矽胶耳塞。它是利用复合式降噪，音质嘅部分其表现较前一代与 AirPods 2 更好，AirPods Pro嘅麦克风收音佳，耳机服贴度都好高，系一款十分适合入门级嘅朋友使用，如果用嚟平时开会嘅话亦绝对足够。
(ii) SONY WF-1000XM4
SONY WF-1000XM4使用全新嘅隔音耳塞，提升被动降噪嘅效果，使用比较厚、有膨胀性嘅耳胶，系胶状但似海绵质感，有足够嘅密封性，带来更高嘅隔音性能。降噪类型使用了复合式主动降噪，每边耳机里分别有向外同向内嘅麦克风，分析环境同耳内声音。
(iii) Cleer Ally PLUS II
Cleer Ally PLUS II采用复合式自适应降噪技术，环境音模式嘅声音听起来相当自然，弱点系对於人声，如果要清楚听到交谈嘅对话内容，就需要将音乐音量调较至50％以下。耳机本体采用耳道式设计，对环境噪音有一定嘅阻隔能力，耳塞方面使用矽胶耳塞，采用IPX4技术，能防水防汗，十分适合喺运动时使用。为了整体贴合度，购买时一般会提供5种尺寸嘅矽胶耳塞。
一众WFH打工仔唔想被炒鱿嘅话，快D入手一部最适合自己嘅耳机同老细开会喇！
