想赚尽积分里数 交电费要用支付宝？

想赚尽积分里数 交电费要用支付宝？

 

每个屋企都要用电，但系点样交电费先系最抵呢？缴交费用要储积分、里数，就一定要用信用卡啦！但系并唔系所有信用卡，都可以用於中电或港灯的自动转账，仲要有得用都未必有分储！

 

不过最近两年，中电及港灯先后开始接受客户以支付宝HK缴交电费，而支付宝HK系可以连结信用卡签账嘅，即系变相碌信用卡交电费。

 

常用支付宝HK交电费，首先你要有个支付宝HK帐户，再加入埋自己嘅信用卡资料。之后就可以支付宝个 app 入面拣选「缴费服务」，再选择「公用事业」，就可以拣交中电或者港灯嘅电费喇！

 

（喺支付宝HK 个app入面，拣「缴费服务」入面嘅「公用事业」，就可以交电费。）

 

用支付宝HK交电费嘅好处系，大部份嘅信用卡都可以获得积分，用户可以拣选自己想用嘅信用卡交电费，储积分、飞行里数、现金回赠，任君选择。

 

如果因为个人原因真系唔想用支付宝HK，大家仍然可以选择以信用卡自动转账交电费，不过可以选择嘅信用卡就十分有限，仲有个别信用卡未必储到分：

中电：东亚、中银、大新、花旗、美国运通

港灯：COMPASS VISA、星展、中银、集友、南洋商业、美国运通