炒家有稳定楼市作用

老友叫我帮帮忙，买入一个他拥有的单位，我见到价钱唔贵，质素非常好，可以讲是一个荀盘，既然可以帮到老友，於是二话不说买入那个单位，买入之后不到一日，有代理话有买家有兴趣那个单位，问如果有10 ％赚，我可不可以割爱，老实说，我交订的支票仍未过数，有10%都唔错，很多人唔明白，我刚买入的单位已经在市场一段时间，点解冇人买，直至我买入之后宁愿畀钱我赚。

我讲很多人不会相信，第一次买楼的人是很胆小，甚至连身边朋友都很胆小，如果那人直接同业主买入，就算佢自己唔惊，身边的朋友都会话楼价仲有跌，话唔定要挞订收场，但如果从炒家买入，他们便有信心，认为炒家都畀到价钱，现在只是畀10%炒家赚，作为买保险都抵，身边的朋友都唔敢多讲，唔通他们叻过炒家。

如果楼市没有炒家，想唔跌都难，政府亦知道这个道理，所以才推出辣招，买入要畀BSD，卖出要畀SSD，有赚钱都未必够交税，所以，炒家便绝迹楼市，一个只有用家，没有炒家楼市，很容易会下跌，甚至很难回升，因为用家是不敢在楼市下跌时买楼，换句话说，炒家是有稳定楼市作用，好彩政府撤辣，否则炒家唔会投资楼市，楼价唔知几时才可以止跌回稳。

各区最新放盘应有尽有