新手睇樓秘笈 要夾啱天時地利人和

買樓是人生重要決定，但有時往往只有一次機會睇樓便要扑槌，所以一定要在有限時間內睇清睇楚！對於新手買家，只要夾啱天時地利人和，跟足睇樓秘笈，就可減少買錯機會。

睇樓揀啱天時，事半功倍。許多買家會因為打風下雨嫌麻煩而改時間睇樓，然而天氣愈差愈是睇樓好時機。因為在狂風暴雨期間或翌日，可以觀察窗邊有沒有雨水濺入、天花牆邊有否滲水痕跡、門及窗是否冚實沒有漏風；潮濕天氣可摸摸牆身的濕度，若房間濕氣重，傢俬易生黴菌。

時間方面，最好於白晝睇樓，理想是近傍晚時分，進屋時既有充份陽光看清單位及景觀，亦可感受夕陽西斜餘溫的強烈程度，如可拖長睇樓時間，更可一次過看到入夜景色。

細閱大堂通告套料

至於地利及人和便要看運氣了。買家出入屋苑時，宜細閱大堂通告欄，當中藏有許多有用資訊。業主立案法團如計劃夾錢大維修、加管理費、招標工程等等，都會貼通告通知住戶；管理處收到住客如噪音滋擾、高空擲物或渠道淤塞等投訴後，亦會貼通告警戒，故通告內容亦可反映鄰居質素。

如幸運遇上健談的鄰居或保安，可大膽打招呼，藉傾談試探單位是否「好住」，樓上樓下有否滲水投訴等。睇樓時除了倚靠業主及經紀提供的資訊外，買家越更要金睛火眼，越掌握更多資訊，越不會買錯。