QC Vs PD

我地要享受快充技术，先要了解一下，目前手机市场上快充技术有两大阵营：高通 Qualcomm Quick Charge (QC)、USB-PD (USB Power Delivery)。

 

QC快充 (Quick Charge)

为高通旗下 Quick Charge技术，最新版本已去到QC 4+，QC 4+除了延续 QC4.0 嘅充电 5 分钟使用 5 个钟、15 分钟充电达 50%、并支援 USB-PD 标准等优点外，还增强双重充电（Dual Charge）技术、智慧温控系统及充电安全性，令QC 4+嘅充电速度比 QC4.0 快 15%，相较起宜家较常见嘅 QC3.0，可提升 38% 嘅充电速度，并且最大充电瓦数可达 27W。

USB-PD快充 (USB Power Delivery)

USB PD系由 USB 开发者论坛所定义嘅供电技术。目前可支援嘅装置好多、连 iPhone、iPad 也都支援USB-PD快充，USB PD快充主要可分为 10W、18W、36W、60W 与 100W 五种功率规格，电压采用 5V、9V、12V、20V，最高可与 5A 电流嘅Type-C 接头使用。充电中装置同充电器之间会自动判断应该用几大嘅电流充电。USB PD快充同时可相容於高通最新嘅 QC 4.0、QC 4+ 快充技术，大家睇睇呢个表就明：

快充电器要买几多W先够？

要得到快充效果，我地首先要选购一个对应快充技术嘅充电器，而家嘅PD标准，最高输出功率为100W，但输出功率愈大，价钱同体积都会愈大。我地应要买几多W嘅充电器至够用呢？

如果，你只需要为一部手机充电，我哋只要选择18W～30W就相当够用了。多咗嘅功率唔会令手机充得快啲，只会浪费买充电器嘅钱。因为大部分手机只需要18W左右就可以快充。

但如果你买一个快速充电器，同时要充埋平板同手提电脑，又同时会充多个一部手机或尿袋，咁你要买输出功率至少65W至够用。以MacBook为例，佢系以65W为标准，你就要买一个65W～100W嘅就无错嘞。

买快速充电器，除咗要留意W 数，我哋最好选购最新嘅氮化镓(GaN)充电器，氮化镓(GaN)喺第三代半导体材料，近期技术成熟并应用喺日常生活嘅充电器上，佢系一种高功率、散热佳、喺高温下都可以维持充电效能稳定嘅技术，更重要嘅系这项技术可将充电器体积做得更细同输出功率更高。

【上车盘推介】立即搜寻最新上车盘

氮化镓(GaN)充电器嘅特色：

•1个氮化镓(GaN)充电器就可以同时为手提电脑、平板、手机、手表等3C产品充电。

•可以提供100W甚至系更高嘅充电功率，快速充电以减少充电时间。

•快速充电时不容易发热、发烫。

•相较於传统充电器，重量更轻、体积更小。

我哋买充电器都会㨂有两个以上连接埠嘅充电器，但要注意嘅系多个连接埠有其限制存在，例如每个埠嘅最大充电功率不同，并非每个埠都支援快充，而且同时使用多个装置充电时，个别嘅充电效率通常会降低。举例来说，某款GaN充电器共有2个连接埠，其中1个埠支援PD快充协定，可以提供65W嘅快充功率，另外一个则仅能支援普通嘅15W充电功率。喺单单使用1个装置充电时，充电器可以确实达成最高65W嘅充电功率，不过喺同时替2个装置充电嗰阵，PD快充嘅功率就会剩下45W，而唔系完整嘅65W功率。

买快充线最紧要睇几样嘢

大家有无经历过，买咗部有快充功能嘅手机，又买咗个有大 W数嘅充电器，但充极都系好慢，问题出喺边呢？

首先，你要确保充电器系有快充连接埠（即系写上PD或QC 嘅字样），其次就系要买啱一条可对应快充嘅充电线。

如果我哋将电流睇做水，充电器相当於带有过滤功能嘅水缸，充电线则相当於水管，水缸虽然够大，但管太窄嘅话，出水都会好慢。

【各区居屋推介】立即搜寻最新居屋放盘

咁点样挑选快充充电线呢？

太深嘅电流概念就唔多讲嘞，只要我哋记低一啲原则就可以：

1. 确认充电线包装上有标示支援快充技术

2. 确认充电线嘅最大电流标示 ，一般micro USB线只要支援高於2.4A 嘅电流，就可以称为快充线，如果系USB-C线嘅话，则要支援 3A 或 5A 先属於快充线。

3.充电线愈长，阻力会愈大，充电速度就会更慢，建议喺挑选充电线嘅长度尽量喺2米以内，先唔会影响充电嘅品质。除咗长短，线芯嘅粗幼同样影响传电。

4. 充电线大多使用一般脆弱易断嘅橡胶材质，用得耐容易老化，线材外露，接头断裂会产生接触不良，当充电线材有破损嘅话，建议尽快更换，避免造成手机电池损坏，所以，选择一啲尼龙或金属编织线会耐用一啲。

5. 充电线接头设计，常见的快充线接头都系塑胶材质，亦系较容易裂开，长期下来自然影响快充效率。建议在挑选快充线，选择金属外壳或加固接头设计，如果需要时常边充电边用手机，也可以考虑使用弯头快充线，减少拗折充电线嘅机会。

6. 充电线线芯用乜嘢材质都有影响，就导电性而言，大家可以参考金属导电率的排名，银 >铜 >铝 >铁 >锌 >锡。一般较好嘅线会采用镀锡铜、裸铜，其中镀锡铜更为普遍，导电性能略不及裸铜，但更耐用。更顶级嘅充电线可能会采用镀银铜。较为普通嘅线线通常会采用铝镁丝、漆包线、铜箔丝等。再差一啲嘅线，就可能会采用铁芯渡铜、铁芯镀锌、铁芯、钢包钢、钢包铁等。

 7. 如果系买iPhone用嘅充电线，咁就尽量买有原厂认证MFI，会较可靠。

 

综合上面讲嘅充电线选择，并唔系买愈贵嘅就一定愈好，而出名嘅牌子都会有唔同嘅线材选择，如果你唔系要一条传输快嘅数据线，就唔需要拣最顶级嘅，只要佢可以快充就得。喺配件铺中可以挑选嘅线至少有几十款，亦唔系平嘢无好，只要用上面嘅选线原则就一定拣到平靓正嘅快充线。

要咩有咩，各类特色屋苑即时睇