Alfred开过唔同类型嘅餐厅，而家主攻健康素食，佢系一个疯狂嘅「煮饭公」，为咗跟米芝莲星级嘅名厨学艺，毅然放低一切工作，专心学艺半年，所以有今天嘅成就。佢用焗炉或蒸炉做菜，可以讲到咗得心应手嘅境界，所以小编就专诚请教Alfred点睇蒸焗炉、气炸锅同微波炉呢三种香港家庭最常用嘅煮食工具。

 

蒸焗炉：芝麻猪仔包测试法 

Alfred就用一只芝麻猪仔包示范蒸焗炉、气炸锅同微波炉嘅优劣分别：

1. Alfred先讲微波炉，佢只系做到将个包「叮热」嘅效果，叮出嚟成个包热辣辣软淋淋，食落只系觉得个包热咗同淋咗，无乜特别好食咗。

2. 再用气炸锅去炸一炸个包，结果出来确系令我哋食咗一个脆皮猪仔包，包身变得有啲乾，似啱啱烘出来嘅多士。Alfred建议，用气炸锅翻热软猪仔包，可在包心夹一块厚牛油去焗，咁可以令个包食落多啲Juicy感觉，出嚟嘅味道更香更滋味（但就更邪恶了）。

3. 咁芝麻猪仔包遇着蒸焗炉又系会点？Alfred就用「神奇还原」来形容。佢用咗蒸焗混合模式去翻热，湿度50%  /  180 ℃热风加6分钟嘅组合，做焗出来嘅效果，竟好似啱出炉嘅面包感觉，重新引发出面包嘅香味，食落好似出炉面包咁热辣辣，面包皮带脆，包身软熟，而它嘅软熟感绝不似微波炉嗰种好翻叮嘅感觉，而系好接近新鲜出炉嘅质感。

星厨Alfred只系用咗咁简单嘅「芝麻猪仔包测试法」就讲出三种煮食工具嘅优劣。唔通真系要掉走气炸锅？

Alfred嘅意见系，买咗就放喺度继续用啦。因为佢的确喺炸嘢或焗嘢方面，比用焗炉或蒸焗炉更方便快趣，第一唔使预热，好快就去到预设温度，第二用完清洗容易，而家超市好多专俾气炸锅用嘅急冻食品，跟住指引做就食到好味炸物。所以气炸锅仍算系「懒人专用焗炉」。

不过，Alfred加多一句话，气炸锅可以用嚟焗食物嘅空间实在太少，如果你想食一个急冻意大利薄饼，你系要将佢分成四份，逐份攞入锅中焗，焗到令人气馁。又如果你屋企经常有超过两个人开餐，气炸锅连一只鸡都放唔到入去焗，真系嬲到想即刻掉咗佢。

有咗蒸焗炉，微波炉要掉？

其实，而家便利店、公司Pantry都有微波炉嘅存在价值，似乎家中厨房渐渐无咗佢嘅地位。Alfred从来唔用微波炉烹调食物，以前都用佢嚟叮番热隔夜餸食，又或者系食杯面用嚟叮，确保面够热，又或者急住要解冻食材都会用吓，但而家连呢啲都唔用微波炉了，因为蒸焗炉有更能保留原味嘅蒸气翻热功能。

所以，Alfred建议未买微波炉嘅话真系唔使考虑，买咗嘅都送俾啲屋企唔开炉剩系想食翻叮食物嘅朋友吧。

蒸焗炉点解咁好用？

蒸焗炉其中一个优点系比一般对流式焗炉煮食速度快，有啲甚至快过微波炉。而蒸气能够令食物恢复原本嘅水分，因此剩菜翻热后食落亦像新鲜出炉时美味。蒸焗炉不但可以令食物快速熟透，唔破坏食物营养又有更好嘅味道同口感。

蒸焗炉仲有一个非常大嘅好处系，可以有大细Size㨂，唔会好似气炸锅咁局限，而且内置多种煮食功能，如煮、烤、烘焙、焗、蒸、解冻及翻热一机多用，最啱小蜗居。

由於蒸焗炉结合电蒸锅同焗炉嘅原理，所以它拥有焗炉唔加油嘅特色，亦有电蒸锅保留食物原味及营养嘅优点。蒸焗炉比焗炉更健康，用佢嘅蒸气煮食，煮食时食物质感、颜色、香气、维他命同矿物质都会得到最佳保存，既健康又原汁原味。你甚至可以同时蒸鱼、煮餸、煲饭，一次过煮好成餐饭。

点㨂蒸焗炉？

睇完Alfred嘅意见，大家都想买一个蒸焗炉？咁应该点㨂呢？Alfred只有一个建议，就系买一个功能最先进嘅型号，而且尽量有咁大买咁大，咁可以一次过做几味菜。

Alfred更补充，而家蒸焗炉已发展到5.0时代了，而4.0时代同5.0 时代都值得买，咁乜嘢系4.0，乜嘢系5.0呢？

好多主流嘅蒸烤箱就系4.0，佢嘅特点系系蒸汽方面，高温蒸汽直喷取代蒸发盘蒸发，将水箱嘅水引至蒸汽机后利用高温将水煮沸，产生嘅水蒸气直接喷射到炉中，优点系蒸汽量可控且蒸汽相对乾净，防止烹饪过程中产生嘅冷凝水流回到蒸盘再次蒸发，容易形成污染、抢味等问题。

4.0蒸焗炉喺烤焗方面加入背部发热管，上发热管演变成更科学嘅「M」型发热管，形成上、背2组发热管，配合背部热风，令炉内温度、湿度更加均匀。烘焙能力更强，焗乜嘢蛋糕都得。而4.0嘅不足之处系蒸汽喷射速度慢，底部热力不足，难以上色。

嚟到5.0，佢就更加专业，适合好似Alfred呢类善煮嘅大厨，蒸烤箱5.0时代，喺4.0嘅基础上突破，令蒸烤箱变得更专业，佢新增下外露式发热管，上下发热管独立控温，利用上下传感器分别对炉内上下温度进行分区控制，可以根据食材特性随意调整，Alfred话精准嘅温度调节对专业烘焙、烹饪至关重要，真系只有强者先会注重细节。5.0用嘅系多维直喷蒸汽，多孔同时喷蒸汽，炉内蒸汽浓度提升迅速，而且更均匀。

喺烤焗功能上，5.0系用3D循环热风，增加对流功能，等蒸汽同热量流动更有序。5.0可以话整体有显着提升，适合追求烹饪且对烹饪要求高嘅家庭。价格比4.0当然贵，但系比4.0更专业，可以烹饪嘅菜式又多好多。