交差饷都可以储积分里数？

唔知大家平时用咩方法交差饷同地租？自动转账、支票、PPS，定系去邮局排队交现金？虽然自动转账最方便，唔使每季自己交钱，不过并唔系最着数嘅交费方法！

 

其实交差饷同地租，都可以用信用卡缴交，从而储积分、飞行里数或者现金回赠，只不过无得好似平时网上购物咁，喺政府网站上面俾钱。而系要登入自己嘅网上银行，选择「缴费」，就可以拣选信用卡缴交差饷地租。

 

网上银行嘅网上缴费入面，选择返「差饷物业估价署」做受款人，再填返差饷单上面嘅户口号码，就可以用信用卡交差饷地租喇！

不过网上缴费唔同一般签账，并唔系每间银行嘅信用卡，用呢个方法缴交差饷地租都可以储到分，一定要睇清楚自己手上边张信用卡有分先得呀！以下就系部分可以用信用卡网上缴费赚分嘅银行：

1) 滙丰  2) 恒生  3)中银  4)建行

 

同埋即使网上缴费可以储分嘅银行，每月网上缴费储分都可能有上限，例如滙丰信用卡只限每月头$10,000缴费先可以获得积分，如果多过$10,000就要留待截数日后先可以有分喇！

 

有心交差饷储积分嘅精明业主，记住喺下次季交差饷嘅时候转用可以储分嘅信用卡，登入网上银行交费喇！