在香港買樓是最愚蠢的事

有年輕朋友話剛剛做了一生人最愚蠢的事，朋友已經結了婚，離婚應該唔係最愚蠢，唔通是賣樓，我估錯哂，原來朋友剛剛買了樓，我明白，在香港做業主真的是最蠢，香港是低稅制，又有咁多福利，醫療，公屋，消費券，講都講唔哂，而攞福利的人可能斗零稅都未交過，究竟錢從何來，是不是有一批蠢人無私奉獻。

有老友話不少沒有樓的香港人鬧擁有樓的業主，愈多物業愈被人閙得慘，甚至尊貴的評論員希望樓市下跌五成，擁有物業的業主清零，但如果真的是如他們所願，究竟邊啲人會交稅令到香港運作暢順，那些鬧業主的人其實是倒自己米。

有老友話諗極都唔明，既然在香港買樓是最愚蠢的事，應該由非港人嚟做，政府點解要推出辣招稅阻止外地人買樓，應該鼓勵非香港人買樓，不但不收辣招稅，仲要退回部分正常印花稅，吸引多一些非香港人在香港買樓，這才是正確做法，阻止他們買樓才是最愚蠢的事。