手機支付最緊要唔好做呢啲：

QR Code唔好亂咁掃

 

當今時代，QR Code可以講已經徹底改變咗我哋嘅生活方式，我哋日日都要掃幾次。

QR Code已經滿佈各處，我哋都習慣咗見Code就掃，連安心出行都係掃QR Code 。但大家有無諗過，如果有不法之徒做個假嘅QR Code出嚟，你一掃就入侵咗你嘅手機，不但可以攞到你嘅個人資料，甚至植入木馬程式，偷取你嘅銀行賬號。

要做一個QR Code幾乎無任何成本，所以不法之徒就趁機製造一啲假QR Code，盗取別人嘅資料、金錢，亦可以植入木馬程式到手機入面。曾經有不法之徒喺原有嘅QR Code貼上經過佢哋改造嘅OR Code，顧客一掃就中招。所以大家喺遇到需要掃碼付款嘅時候，一定要問清楚店舖QR Code先至掃，謹慎付款。如果掃碼之後仲係發現跳轉嘅頁面唔對路，即刻停止操作。

喺眾多手機支付模式中，掃QR Code最常用，但亦係最唔安全嘅方法。所以大家掃描QR Code嗰陣一定要仔細辨別、謹慎付款。

QR Code今天相當流行，但亦存在好大嘅保安危機，所以千祈唔好隨便掃。

當你掃QR Code付款時，就可能有黑客去盗取你嘅資料甚至金錢。

唔好隨便連接公共Wi-Fi

 

我地連接公共Wi-Fi嗰陣一定要睇清楚Wi-Fi名稱係咪正確，以免登入名稱相似嘅惡意WiFi。更更更要緊記，盡量唔好用公共Wi-Fi過數，（有啲消費場所收唔到手機訊號，迫住用該店提供嘅Wi-Fi，咁真係要萬分小心，小編建議最好使用其他不需上網嘅支付方法）。因為賬戶信息有機會被竊取，造成錢財損失。支付過程中彈出嘅陌生鏈接亦唔好隨意點開。

真係唔好喺瀏覽器上購物

 

瀏覽器上嘅網頁鏈接真假難辨，你瀏覽嘅可能係商品信息鏈接，但係用手機付款可能就會跳轉到虛假支付網站，一唔小心錢財就被偷嘞，所以最好喺購物APP上購物。不過咁亦唔係100%安全，因為一啲「釣魚」App會用發紅包、免費送等方式吸引你嘅注意，喺你覺得自己佔咗大便宜，輸入支付賬號付款嗰陣就又被盜刷。重要嘅事再提醒一次：請認准正規購物App，盡量避免喺瀏覽器上購物同付款，特別係透過Facbook連接嘅購物網頁。

 

 

唔好使用同一個密碼

 

流行嘅手機支付App有好多，比如支付寶、微信同各間網上銀行等等。好多人怕記唔到咁多密碼，就索性所有App都用同一個支付密碼，咁如果有人偷咗你嘅手機或資料，咁就大件事嘞。而且，每個App嘅密碼都最好定期更新一次，咁就更加安全。

 

唔好設置免密碼支付

 

好多人貪方便，唔想輸入密碼就快速付款，但而家有好多模擬掃碼槍嘅惡意軟件，不法分子會喺你出示付款QR Code嘅時候伺機偷，所以大家都係唔好設置免密碼支付。

用NFC支付又安唔安全？

 

近年出嘅新款手機，都兼容咗NFC（Near-field communication）近距離無限通訊技術，用手機 NFC 付款確係比用掃QR Code安全，因為要好近距離先用到，而且需要雙重驗證，有人認為佢比用信用卡更安全，較不容易被盜刷。破解 NFC 技術並非不可能，但需要好高嘅技術，同好複雜嘅操作，唔係一般人能夠做到。

 

不過，我哋用手機NFC付款嗰陣，都要做下小編介紹嘅防範措施。

•   NFC只能近距離運作，而且手機必須接受連線先可以運作。有心人士想要近距離盜用手機上的NFC電子支付，難度非常高。若仍擔心裝置上的NFC被惡意讀取，可使用防NFC側錄的錢包或背包保護手機同有NFC嘅信用卡。

•   經常更新手機IOS作業系統，以避免系統漏洞造成交易風險。

•   唔用NFC功能時就關咗佢，並開啟螢幕鎖定。因為手機必須開啟或解鎖時先用到NFC，咁就唔驚被人盗用。

手機用NFC付款確係現時比較安全嘅方法，但都要注意安全，仍會有機俾黑客入侵偷錢。

只可以同信得過嘅人作NFC轉錢操作，因此黑客可以利用NFC植入惡意程式落手機中。