有錢佬喜歡收留家道中落的後人
日期：2022-09-01
有老友話我識得咁多有錢佬，知唔知佢哋點樣教仔，老友唔明白，有錢佬是不用教仔，他們會收留一些家道中落的後人，有錢佬仔女睇到那些後人在有錢佬屋企點樣受氣，就會自動自覺做好本份，否則當自己家道中落，到外面打工時就會很受氣，而且，收留家道中落後人又會被人話有義氣，其實，叫那些後人做樣板給自己仔女睇而已。
有老友的一個子侄話在加息以及移民潮的影響下，樓價會大跌，現在是樓市最後逃生門，老友唔想那位只得一個自住單位的子侄賣樓，問我應該點樣做。我話可以向有錢佬學習，將一個已經賣了樓十幾年的人介紹給那位打算賣樓的子侄認識，那位已經賣了自住單位的人一定會講這十幾年慘況，除了在最初一段時候感覺是無債一身輕之外，跟著十幾年就非常痛苦，已經搬了六七次屋，有時甚至連箱都未拆就要再搬屋，如果再買樓就很難買回昔日賣走的單位，一般來說，除非是迫不得已要賣樓，否則都會打消賣樓的念頭。
