屋企唔再家「嘈」屋閉 蝸居都放得落嘅發燒音響

極罕有真無線耳機直逼發燒級：

 

 

想一個人靜靜地享受音樂又唔騷擾到其他人，耳機係不二之選。近年真無線耳機當道，多家專門生產發燒級有線耳機嘅生產商都鑽研真無線科技，推出高質素發燒級無線耳機。就以美國嘅 Noble Audio 為例，一直生產逾萬港元嘅發燒級多單元有線耳機，首款真無線耳機 Falcon 用家報告已經唔錯。

 

廠方再推出另一款全新嘅真無線耳機，型號係 FoKus PRO，喺單元結構上，內置一顆 8.2mm 專屬定制嘅動圈單元同兩顆 Knowles 動鐵單元。前者主要負責以大直徑動圈加強低頻嘅震撼力，令低音下潛更深，同時提升還原度。而後者就令中高音頻嘅細緻度、空間感得以增加。除咗喺單元上升級之外，耳機嘅晶片亦升級至 QCC 3040 ，支援藍牙 5.2 之餘，更令續航能力提升，單次充電能提供 7.5 小時嘅連續播放時間，耳機亦支援 Qualcomm TrueWireless Mirroring 功能，能夠視乎環境自動切換主副耳機，連接就更穩定，也設有 CVC 米高峰降噪，以提升通話時嘅質素。耳機外殼使用人體工學設計及以 3D 打印出嚟，提升貼耳度，更能阻擋外界噪音同提高佩戴嘅舒適感。總括而言，今次廠方採用動圈及動鐵混合單元，成功發揮廠方一貫發燒級音質效果，屬於落重本之作！

最潮骨傳導耳機 – 小編極致推介

 

講到最新科技當然係骨傳導耳機，未聽過唔緊要，小編為你詳細介紹，包你一試返唔到轉頭。著名耳機生產商 AfterShokz、AEROPEX、Bearoam、BoCo、CHEERO、CODEO、KAIHOU 等都有生產骨傳導耳機。

 

骨傳導耳機原理：

 

骨傳導耳機原理簡單，係透過共振傳遞聲波，讓聲音藉由骨骼直接傳遞到聽覺神經，使用時只要將驅動單體貼喺耳朵附近，就能透過骨頭共振將聲音傳到內耳，輕鬆聽到美妙嘅音樂。由於使用時唔需要將耳孔塞住，就算長時間配戴都唔會容易疲勞，跑步或做家事時都可以一邊聽音樂，一邊保持對環境嘅警覺。

舒適度 vs 漏音問題

 

頸掛式係骨傳導耳機最常見嘅穿戴方式，大部分都採用具有彈性且柔軟嘅材質打造，係最自然同相對舒適嘅配戴方法，但因為需要夾住靠近耳仔前方、靠近太陽穴嘅位置，側壓感會較強，若果戴唔慣，耳邊嘅異物感可能會令你覺得唔舒服，甚至出現疼痛嘅狀況。由於骨傳導耳機唔係完全將耳孔塞住，即存在有漏音嘅問題，喺擁擠嘅交通工具或公大眾場所使用，耳機音訊好容易被周遭環境影響，或者無法完整呈現出音樂嘅細節，只建議喺極度安靜嘅室內環境中使用。

 

骨傳導耳機除咗提高使用耳機時嘅安全性，仲同傳統入耳式耳機講再見，若果你唔執著喺音質表現，確實係非常適合戶外使用嘅新選擇。骨傳導耳機由於係透過實體介質傳遞音訊，能用更細小嘅音量達到一樣清晰嘅聆聽效果，相對減少耳朵疲勞，係小編嘅極致推介！

SoundBar 讓你享受環迴立體聲效：

 

香港居住環境寸金尺土，如想添置音響器材睇電影，做到儼如戲院嘅效果，近年好多人都會揀簡約設計嘅 SoundBar ，主機長約 101 至 126 厘米不等，夠晒慳位，屋企左中右，甚至死角位都輕易聽到震撼嘅音響效果，舊年消委會就測試咗市面上 9 款型號嘅 SoundBar ，評測音響質素、處理不同音色同聲音頻率嘅表現。

 

 

樣本中售價最貴嘅 Sennheiser Ambeo Soundbar，整體音響質素最好，不論播放音樂抑或電影時嘅表現都屬各樣本中最佳，5 分滿分總評分有 4.5 分。而售價最便宜嘅 Bose TV Speaker，整體質素平平，「最大聲壓級」同「頻率響應」表現均欠佳，總評分只有 3 分。不過，售價偏高嘅 Sonos Arc 總評分亦只有 3 分，整體質素平平，「頻率響應」測試表現遜色，反而售價比起 Sonos Arc 低於接近一半嘅 Panasonic SC-HTB600 ，「頻率響應」表現不俗，總評分亦較高，有 3.5 分。

主動式喇叭取代成屋音響：

 

上一代玩音響嘅朋友都必會加購擴音機，聲音表現才震撼及有臨場感。不過，主動式喇叭 (Active Speaker)內置咗分音、放大電路，只須接駁電源、輸入音樂訊號就可以出聲。好多錄音室嘅鑑聽喇叭、工程用嘅專業喇叭都係主動式喇叭，不過唔好以為 Active Speaker 就係貴同專業嘅代名詞，因為大家常見、常用到嘅電腦喇叭、藍牙喇叭等其實都係「主動式」喇叭。 主動式喇叭其中一個最大嘅優點就係無須連接後級驅動，輸入音訊就可以播歌，對於想音響系統簡單一啲嘅朋友就最適合，只須「播放器」（例如一部手機）同「喇叭」就已經可以組成完整系統。

 

由於主動式喇叭無須連接擴音機，所以可以慳返唔少擺放器材嘅空間，對於近年相當熱門嘅 CAS 系統、或者桌面音響系統嚟講都相當適合。加上喇叭本身已經有完整嘅驅動電路同配備解碼、分音，加上以數碼介面輸入的話，主動式喇叭嘅聲底會較「穩定」，不似被動式喇叭較受線材、擴音機影響。

CNET 最新推薦報告：

 

根據 2022 年 CNET 推薦嘅最佳家庭影院系統，由 Soundbar、立體聲揚聲器到模擬杜比環繞聲系統都有。不過，如果你希望升級電視上嘅聲音，Soundbar喺裝置簡單同價錢方面大獲全勝，佢可以選擇具有模擬杜比環繞聲同 Wi-Fi 流媒體等高級功能，仲有低音炮同後置揚聲器添置升級。

 

CNET 最低價推薦 – Roku Streambar

 

售價僅約100美元嘅 Roku Streambar 具有內置 4K 功能嘅多媒體以提供清晰嘅視覺效果，並具有四個揚聲器嘅杜比音頻系統以提供優質嘅聲音。可用藍牙支持直接從手機或平板電腦流式傳輸，Alexa 、 Google Assistant 和 HomeKit 支持可實現語音控製，同時可以使用 Roku Wireless 低音炮和 Roku TV 無線揚聲器輕松擴展。

 

CNET 最佳高階 Soundbar 推薦 – Sennheiser Ambeo

 

 

一體式嘅 Soundbar 係現代家庭影音設備嘅新星，佢以單支長條狀嘅設計就包括各種發聲單元，省卻房間各處安放喇叭嘅需要。進入追求全景聲嘅時代，Soundbar 功能也要隨之進步，Sennheiser 更是推出了應用 AMBEO 全景聲技術嘅 AMBEO Soundbar，以簡單、一體化嘅產品提供電影院級嘅音效享受。

 

CNET 最超值杜比 Soundbar 推薦 – Vizio M512a

 

 

售價約 500 美元嘅 Vizio M512a 外觀精美，由一個主條形音箱、一個 6 英寸低音炮同兩個有線後置揚聲器組成，可為電影同音樂提供驚人嘅性能。模擬杜比環繞聲可能已經存在咗一段時間，但直到 Netflix 和 Disney Plus 等媒體服務加入後，製造商先最終認真對待呢種格式。

世界首款無線座地音響系統：

 

KEF 推出世界首款無線座地音響系統 – LS60 Wireless，不但重現對高雅自然聲音嘅執著，同時顛覆傳統無線音響系統嘅概念。前衛創新嘅一體式無線音響系統，讓流暢無阻、連線多元嘅高保真聲音融入各種生活空間，並由知名設計師 Michael Young 打造顛覆視覺嘅外型。

 

 

作為一款新世代隨插即用型無線 HiFi 音響系統，LSX II 用途廣泛且可靠性強。憑藉 LSX II 搭配全新嘅 W2 無線平台、全面嘅連接方法、KEF Connect 應用程式及廣泛嘅串流方式，你可以充分享受一段自由無憂嘅音樂之旅。無論連接電視、桌上電腦、手提電腦、遊戲主機或唱盤，豐沛充盈嘅聲音都可以能填滿房間每個角落。

 

KEF 工程師憑藉知識和經驗，為LSX II 採用咗開創性技術來營造高保真音效。LSX II 使用第 11 代 Uni-Q 同軸共點單元，可以令聲音喺房間內均勻分佈。而先進嘅Music Integrity Engine 技術優化咗Uni-Q 驅動單元，時間性能臻至完美，使聲音更清澈、緊湊、精準。雙聲道音響系統設計令音樂喺空間中無限延伸，形成立體聲場。環繞聲效好似將揚聲器隱沒，只剩下如置身現場般嘅聆聽體驗。