趁天雨睇樓
日期：2008-07-10連場大雨，不單止打擊零售消費市道，更打擊樓市。因為天雨，睇樓活動大減。但事實上，天雨連場，正是睇樓好時機。樓宇滲漏，無所遁形。
樓市準買家，習慣揀好天睇樓，因為可以睇靚景。如果景色不夠好，又或天雨，打擊睇樓意欲。因為平日居住在密密麻麻的大廈裡，要換樓亦希望有靚景，光睇不買也好。
但事實上，景觀愈靚，愈是開揚，同樣招風招雨。房屋的抵禦風雨的能力非常重要，雨水滲漏並非致命的結構性問題，卻非常麻煩。小型滲漏，令牆身發霉。大型滲漏，破壞地板和傢具。更重要是房屋一旦滲漏，很難根治，亦難以找致源頭。
房屋滲漏容易掩飾，不容易發現。經常有小業主無法忍受滲漏，將房屋轉售。下手業主不知原因，亦要承受麻煩後果。建議樓市準買家，應該趁天雨連場睇樓，因為滲漏即時曝光。剛上牆紙，亦會剝落。同樣，如果一手樓收樓，遇上連日大雨，亦可以曝露潛在的滲漏。
天雨外出睇樓很不方便，但為了你的財富，更應趁天雨出動，才不致吃虧。
