大孖沙出貨

不要以為大孖沙出貨就睇淡樓市，大孖沙入貨就是睇好。跟人尾買樓或沽樓，在投資市場上只會輸身家。市場上大戶的行動，都有自己的策略，不純粹反映睇好或睇淡。不加以分析，是盲炳一個。

今天有報章以全版報導，指樓市大孖沙相繼出貨，是樓市見頂的訊號。這是傳媒販賣廉價資訊的慣常手法，容易取悅於普羅大眾。就等如六元一份的馬經，宣稱有必中貼士。買足十年，都未必有貼中。

大孖沙沾貨，未必看淡。通常在大升市時，大孖沙都會不斷沽貨，又不斷入貨。這種換貨策略，經常出現。一如小業主，趁樓價高樓換樓。利用出售物業所得利潤，換取更大的居住空間，因為要生仔。亦有個別小業主由大樓換細樓，乘機套取大筆現金供子女留學。難道前者看好，後者就看淡嗎？其中只不過人生階段和策略不同。

同樣，大孖沙換貨，可能是調整手上的投資組合，減持某類型物業，又增持其他類型物業。例如投資豪宅老手，趁豪宅價高沽貨，轉買商舖。商舖投資者趁機沽售，轉買工業樓宇。工業樓宇賣方，套現轉買大型屋苑，……。整個物業市場就是一波又一波，循環向上，你買我賣，你賣我買。單純以利好利淡睇市，為人太天真，思維過於簡單，不適合投資市場。