定價不降 睇多買少

四月份一手樓盤銷售未夠理想，主打仍然是周邊中小型樓盤，銷售數量有限。重頭大盤，不是等預售批准，就是不敢推出。一手樓市要有生氣，必須有市區大型新盤，平價促銷成功。誘發購買力重新湧入，推起入市熱情。

尚城以平價促銷，吸引大量買家入票，成功打響第一槍。但尚城位處唐人新村，是新發展區，銷售成績好，亦未足夠帶領大市向好。必須有一個市區大型新盤，成功紅盤大賣，挑動市場情緒。快將推出的市區大盤，有現祟山和龍璽，前者遲遲未推售，後者要等預售批准。

今天樓市利淡消息充斥，銀行先後二次調高H按息，政府宣佈主動賣地，金管局高調查核銀行借貸，到處放風打壓樓市。如果發展商定要高價推售，結果一如眾多小業主放盤，睇樓人多，買樓人少。在這種氣氛下，要突圍而出，必須適度削價。叫價下調，拉近與市價的差距，營造平價的效果，吸引買家搶購。

貼近市價售樓，不是蝕本，更不是薄利。因為樓價累升幅度大，縱然市價售樓，亦獲得豐厚。貼近市價，只不過留一點水位，讓買家有薄利可圖。少許薄利，大量銷售，除笨有精。快速套現，搶政府靚地，未來數年，獲利更多。