有老友問我，究竟邊個行業在未做之前就已經知道蝕本，但又唔會執笠，我認為只有一個行業，就是傳媒，由於不用擔心公司會執笠，所以，記者對執笠的認知不深，當有舖頭執笠，根本唔使調查就話北上消費或者租金太貴，其實，很多生意執笠就好似生老病死一樣，自然淘汰而已。

除了北上消費，租金太貴之外，另外一個關鍵字是老，人會老，行業亦會老，不少手板眼見功夫行業，如果子女不願意繼續做，父母太老，執笠是唯一的選擇，而且早年已經搵落唔水，晚年唔享受對唔住自己。

另外，對於一些老化行業，經營者慘過食雞肋，在敵不過新的競爭者之下，就算業主唔收租都很難繼經營下去，執笠是可以預計得到，汰弱留強就是生存之道，冇乜所謂傷唔傷心。

最可憐就是一些生意有得做，甚至是賺緊錢，但請唔到專業人士，在人手不足情況下被迫結業，例如一間餐廳在開業時從外地請了幾個出色廚師，但在合約期滿之下被人挖角，新請的又未及水準，令到生意額大跌，最後被迫執笠，老實說，執笠理由數之不盡，並不是租金太貴，北上消費咁簡單。