今早在茶餐廳食早餐時，有一個客人話開心到不得了，原來他剛剛賣出了自住單位，只是蝕了10幾個％，而同期中原指數下跌了28 ％，今次真係輸少當贏，飲得杯落。

我問客人有冇將賣樓收返嚟的錢買股票，佢話賣樓的錢仍未回籠，所以沒有買股票，我話咁都值得開心，條友可能唔知道，三個月後佢就會好似十日前賣了股票的人，在短短十日損失10幾個％，真係喊都無謂，而事實上近日的住宅成交，大多數只是蝕10幾20個％，很少超過30%， 有部份甚至打和，理論上唔應該跌咁多，所以，在未來幾個月，中原指數可機會作出反彈，三個月之後，今日賣了樓的人好似上星期賣了股票的人，無端端唔見咗10幾個％，但股票可以買得返，住宅單位唔係咁易買得返，到了租約期滿，就會發覺當日是否心理失調，點解會將自住單位賣走，仲要蝕10幾個％咁多，不過都唔好想咁多，的起心肝去搵樓租，業主九成唔會續租。