銀主盤連升3個月，已經有344個，比2008年環球金融海嘯的時候仲要多，有人擔心銀主盤會繼續上升，其實不用擔心，銀主盤一定會上升，基本上現在按在財仔的物業，如果不是業主自己賣走，最後都會變成銀主盤，不過，如果吸納力度足夠，銀主盤只會維持在三、四百個之間，又如果銀行積極借錢俾人買樓，銀主盤的數量就會下降。

不少人唔明白，點解會有業主用物業擔保問財仔借錢，明知道財仔利息咁貴，其實那些業主是迫不得已，當中有部份在買樓之後得唔到銀行批核，唯有問財仔借錢成交，以為安頓好之後，慢慢可以將按揭轉返去銀行，但原來是一入候門深似海，十個之中都冇一個可以將物業轉返去銀行做按揭，在高息環境下，那些物業最終變成銀主盤，不過，這類銀主盤數目並不太多，不少人預知結果，寧願撻訂都唔問財仔借錢。

大部分銀主盤是由銀行call loan做成，不少業主因銀行將他們所按的物業貸款額度降低，向業主追差額，業主如果冇錢還俾銀行，最簡單辦法就是問財仔借錢，最終那些物業都會變成銀主盤，如果銀行沒有call loan，我相信銀主盤數不會超過100個，銀主盤上升，銀行置身事外，甚至可以表揚自己，如果唔係一早call loan，那些銀主盤是屬於銀行的，但銀行唔知道，或者應該知道，現在出現的銀主盤有不少是由銀行call loan做成。