低價銀主盤未必會成交

有老友話兩星期前買了一個大幅低於市價銀主盤，不過，有兩星期冷靜期，原業主在兩星期內自已籌錢買返，或者賣俾自己友，合約作廢，兩不相欠，但買家就一定要買，否則銀主可以殺訂，最後收到通知，原業主搞掂，老友買唔到。

老友可能唔知道，兩個星期寬限期是銀主最後的風度，其實，很多時這類低價銀主盤最後都不會成交，但就影響樓市，因為報紙會大幅報道低價買賣，如果唔成交或後來以高價賣走，報紙就很少報道，就好似最近的一層大幅低於市價甲廈，據聞已經取消買賣。

老友更加唔知道，這是銀主追數的方法之一，又可以畀人話有風度，買家在不知情的情況下幫業主追債，但買家又沒有什麼損失，萬一原業主籌唔到錢，買家就可以執到平貨，但如果是志在必得，就要考慮清楚，隨時只能夠開心兩個星期，最後都失望而回。