買樓是因為唔想交租俾內地業主

有一個一向唔主張買樓的老友最近匆匆忙忙買了樓，理由是在撤辣之後，業主通知佢已經將他租用的單位賣了俾一個內地人，而且很快成交，以後交租就交俾那個內地業主，老友聽完之後立刻去地產代理舖頭搵樓，去到之後發覺一件事，就是市場上傳說的荀盤根本沒有，代理話那些荀盤只是曇花一現 ， 即使在樓市最差的時候很快就沒有了，更何況是現在，如果有能力又有需要，就唔好考慮咁多，物業代理當然係咁講，但一定要考慮自己擔能力。

我識得不少內地人在香港有樓收租，他們最喜歡將單位租俾香港人，就算平些少都冇問題，因為香港人除非移民，否則就唔會咁容易搬走，租俾內地人或者其他地方的人又唔同，一句話公司要佢返祖家，就唔會續租，做業主的人知道，如果每一張租約都只是租一，兩年，業主收少很多租，本來有錢賺都變咗蝕本，租畀香港人就少了這些顧慮。

以往很少內地人在香港買樓收租，就算唔使畀30 ％都要畀15%印花稅，無端端將5至10年租金送咗俾政府，內地人唔會咁蠢，現在政府不但全撤辣，仲表示辣招框架仍在，隨時可以重推辣招，即是叫內地人有買趁手，如果內地人買了之後暫時未用得到，最好辦法就是將單位出租，老實說，在世界上有不少地區如果將單位租了出去，唔係咁容易收得返，就算對方唔交租都冇符，所以，在外國有不少業主寧願將物業丟空都唔會租畀人，在香港就沒有這個煩惱，租約到期或者唔交租，租客一定要遷出租用的單位，有乜辦法在撤辣之後唔係立刻有咁多內地人在香港買樓，唔知道賣了樓的香港人，如果要租樓的話，知道業主是內地人會有乜感想，如果擔心以後租樓的業主是內地人，就唔好賣樓，因為機會都很大。