近日報紙經常報道有蝕讓成交，賣家並且表示無債一身輕，唔使報紙講那些人以後都唔會買樓，但報紙就沒有報道買了樓的人心情，理論上他們應該非常唔開心，而事實上並非如此，買了樓的人大多數很開心，老實說，如果唔開心點解要買樓。

有老友問我，究竟賣了樓的人後悔，抑或冇買樓的人後悔，是否兩者差不多，我認為差很遠，冇買樓就好似打麻雀被打穿糊篤，雖然係傷心，但未有錢落袋，傷心極都有限，而蝕錢賣樓的人好似打麻雀包了別人一鋪，現兜兜唔見了一大筆錢，唔傷心就假，如果被銀主迫賣就傷心加倍，因為銀主賣樓，價錢一定唔會理想，但無奈欠人錢，想唔賣都唔得，所以傷心加倍。

有人認為，只要把握機會，賣了樓之後再買返，隨時可以賺到樓價兩三成，這是一個假設性答案，賣了樓的人很難再買返，或者一百個之中會有幾個。