打擊樓市令香港政府要節衣縮食

上星期五，中原指數又跌1.46 ％，冇樓分析員開心到不得了，他們話不聽專家言，仆街在眼前，一早已經講咗樓價會下跌，都唔知點解業主仍然唔肯賣樓，我都冇說話好講，但求今年唔好跌超過5%，就已經還得神落，有機會跑贏股市。

除了冇樓分析員之外，政府官員亦非常開心，認為打擊樓市措施發揮效力，搞到全港業主都是輸家，有不少業主變成負資產者，甚至有機會破產，而事實上破產的人只得一個自住單位，又沒有炒股票，投資金融產品，政府打擊樓市政策令到他們破產，可以說是無妄之災。

但是官員們唔知道，政府也是輸家，而且是大輸家，沒有地產收益，香港政府要節衣縮食，大型基建項目要仔細考慮，興建公屋要量力而為，即使政府興祝打擊樓市成功而設下慶功宴，背景音樂應該是比較憂愁，有人問物業投資者如何面對樓價下跌，老實說，我問過好多物業投資者，答案同政府官員一樣，最多人話以平常心面對。