究竟中原指數做假，抑或報紙做假

如果大家唔睇中原指數，一定以為樓市跌到仆街，因為每日對樓市報導都是劈價蝕讓，搵單講賺錢都難，但唔講唔知，中原指數連升三個星期，雖然未夠1%，但與報紙報道分別很大。

同事問點解樓價唔跌，道理很簡單，就是金管局放寬逆週期措施，本來是借四成，現在借五成，多了25 ％貸款，短期內都唔使被迫賣樓還債，而一個月同業拆息在這幾日下跌了0.5 ％，現在報4.72 ％，分分鐘美國會停止加息，雖然有很多人不滿意，不過樓市就一天光晒。

其實樓市雖然有很多不利消息，但亦有利好消息，例如業主欠債比率偏低，租金上升，現在甚至辣招都是利好消息，因為如果減辣，樓市必升，而物業買家最擔心就是買樓之後樓價繼續下跌，但最近長實新樓盤，600幾個單位可以一Q清袋，無形中替樓市築了一個底，如果沒有特別壞消息，將會有一段時間樓價不會下跌，估計入市的人會增加，不過在報紙很難睇到這些報道。