買股票可能蝕得仲多

大家睇報紙講樓市，標題一定是樓市告急，內容則是講蝕讓，大家睇到心驚膽顫，其實又唔係咁恐怖，在首五個月𢦓交，只有10 ％是蝕讓，換句話說另外的90 ％是賺錢，如果報道是首5個月有90 ％樓宇成交個案是賺錢，大家又是否覺得比較舒服，至於點解報紙會這樣報道，其實報紙並不是唱淡樓市，只是認為樓市是必定上升，樓價下跌就是新聞。

大家講樓市有時要用股市比較，在2018年1月26日，恆指創下歴史高位的33,100，到了今年6月20日，恆指是19, 600，下跌了40 ％，在這段時間之前後買了股票的人，大多數輸了錢，可能只得10%賺錢，換句話說，買樓贏多輸少，買股票輸多贏少，但唔知點解，報紙只是集中報道樓市危機，其實，股市比樓市更加危險。

有不少人在這幾年買了樓的人都非常後悔，我經常會用一句話安慰他們，就是如果當時唔買樓買股票，可能會輸得仲多，大部分都會同意我的講法，但亦有人不同意，他們會話，如果買股票會高賣低買，一定可以賺錢，如果咁叻就唔使買樓，高賣低買不是太多人可以做到，低賣高買就見得多。