冇樓是專家，有樓是炒家

有外國租客到公司簽租約，大家講下香港房地產，鬼佬話在香港同過不少人傾香港地產，發覺有一個奇怪現象，那些人可以將香港地產分析得淋漓盡致的人，最後發覺他們是冇樓，我話有少少修正，那些人現在雖然是冇樓，但以前是有樓，但由於太過了解香港地產，愈了解愈驚，最後連唯一的自住單位都賣走，不過，他們雖然冇樓，但仍然繼續研究香港地產，甚至變成專家，至於點解要繼續研究，理由很簡單，就是證明當日賣樓或者現在冇樓是絕對冇錯，至於樓價點解繼續上升，他們的解釋是因為香港有人炒樓，就算持有一個自住單位的人都算炒家，如果大家都唔熱衷持有物業，香港的樓價又怎會上升，所以，並不是他們睇樓市唔準，而是香港有炒家。

其實，在香港有樓的人都唔知道自己被人分類成為炒家，買一個單位自住是極之正常，就算唔買樓都要租樓，替人供樓不如自己供，大家又唔好以為有樓的人會硏究樓市，事實是相反，只得一個自住單位甚至多幾個收租物業，都唔會刻意去研究樓市，冇打算做樓市專家，因為業主知道，愈了解樓市，愈唔敢持有物業，最後變成一個冇樓的地產專家。