想賺盡積分里數 交電費要用支付寶？

想賺盡積分里數 交電費要用支付寶？

 

每個屋企都要用電，但係點樣交電費先係最抵呢？繳交費用要儲積分、里數，就一定要用信用卡啦！但係並唔係所有信用卡，都可以用於中電或港燈的自動轉賬，仲要有得用都未必有分儲！

 

不過最近兩年，中電及港燈先後開始接受客戶以支付寶HK繳交電費，而支付寶HK係可以連結信用卡簽賬嘅，即係變相碌信用卡交電費。

 

常用支付寶HK交電費，首先你要有個支付寶HK帳戶，再加入埋自己嘅信用卡資料。之後就可以支付寶個 app 入面揀選「繳費服務」，再選擇「公用事業」，就可以揀交中電或者港燈嘅電費喇！

 

（喺支付寶HK 個app入面，揀「繳費服務」入面嘅「公用事業」，就可以交電費。）

 

用支付寶HK交電費嘅好處係，大部份嘅信用卡都可以獲得積分，用戶可以揀選自己想用嘅信用卡交電費，儲積分、飛行里數、現金回贈，任君選擇。

 

如果因為個人原因真係唔想用支付寶HK，大家仍然可以選擇以信用卡自動轉賬交電費，不過可以選擇嘅信用卡就十分有限，仲有個別信用卡未必儲到分：

中電：東亞、中銀、大新、花旗、美國運通

港燈：COMPASS VISA、星展、中銀、集友、南洋商業、美國運通